کیچ: گورکوپ ءِ جتا جتائیں جاھاں پاکستانی پوج ءِ زوراکی برجاہ

دی بلوچستان پوسٹ

ٹی بی پی پتر ءَ سر بیتگیں ھالانی رِد ءَ بلوچستان ءِ دمگ کیچ گورکوپ ءِ بھری بلوچان، کروچی ءُ دارگ ءِ میتگاں پاکستانی پوج ءَ آپریشن کتگ چہ بالی گرابانی سر ءَ لس مھلوک ءِ سر ءَ تیرگواری کرتگ ءُ مھلوک مالی تاوان داتگ اَنت –

اھوالکار ءِ رِد ءَ پاکستانی پوج ءَ آپریشن ءِ میان ءَ دمگ ءِ شوانگ گپتگ ءُ لٹ ءُ کُٹ کُرتگ انت – اے میتگ ءِ مھلوک ءِ لوگانی سر ءَ بیڑ برتگ ورد ءُ وراکی راشن ءُ دگہ سامان سوتکگ انت-

دمگی مردمانی رد ءَ دمگاں جھمندیں مردم گیشتر شوانگ انت ءُ نیزگاری ءُ شوانگی کنگ ءَ اَنت –

اھوالکار ءِ رِد ءَ مرچی روچ زرد ءَ انگت پوج مزنیں کساسے ءَ دمگ ءَ ساڑی بوتگ – بلے دنیگتا جانی تاوان ءُ آوارجنی ھال نیست –

زانگ بہ بیت مروچی ھمے دمگ ءَ گورکوپ ءَ بلوچ سرمچاراں پاکستانی پوج ءِ سر ءَ اُرش کتگ ءُ آ جانی ءُ مالی تاوان داتگ – اُرش ءِ رد ءَ پاکستان پوج ءَ لس مھکوک ءِ سر ءَ زوراکی کنگ ءَ اَنت –

اُرش ءِ زمہ واری بلوچ ریپبلکن آرمی ءِ جارکش بیبگر ءَ منّ اِتگ اَت –