اورماڑہ ءَ مزن شھدگ ءِ سر ءَ پوج ءِ سر ءَ اُرش – پوج ءِ یازدہ کارندہ مرتگ

دی بلوچستان پوسٹ

بلوچستان ءِ تیابدپی شھر اورماڑہ ءِ ھند بزی ءِ کنڈگ ءَ ناشناسیں سلاہ بندیں مردمانی اُرش ءَ پاکستانی پوج ءِ یازدہ کارندہ مرتگ ءُ باز زدگ بیتگ اَنت –

دمگی مردمانی رد ءَ جنگ ءَ پد پوج بازیں کچے ءَ جنگ جاہ ءَ سر بیتگ ءُ دمگ ءِ راہ ءُ در بستگ اَنت –

ھالانی تہ ءَ گوشگ بیتگ کہ اُرش او جی ڈی سی ایل ءِ کاروان ءِ پھزگی کارندہ نشانگ کنگ بیتگ اَنت – اُرش ءَ بنداتی ءَ یازدہ کارمند مرتگ بلے بیرانیانی تہ ءَ گیشی ءِ گمان –

گوستگیں سال ءِ اپریل ءَ اورماڑہ ءِ دمگ ءَ سلاہ بندیں مردماں بس ءَ سواریں پاکستان نیوی ءُ کوسٹ گارڈ ءِ چاردہ کارمند کشگ بیتگ اَنت – بیتگیں اُرش ءِ زمہ واری بلوچ آجوئی ءِ لوٹوکیں ھمسنتیں گل براس ءَ من اِتگ اَت –

مروچی بیتگیں اُرش ءِ زمہ واری کس ءَ تنی وھدی نہ من اِتگ –