روکپتی بلوچستان ءَ نودربرے ءَ ھوار دو مردم بیگواہ

دی بلوچستان پوسٹ

سر بیتگیں ھالانی رد ءَ روکپتی بلوچستان ءِ دمگ چھبار ءَ یک لوگے ءِ سر ءَ ایرانی چیریں ادارھاں بیڑ برتگ ءُ یک مردمے آوار جتگ ءُ برتگ-

اھوالکار ءِ رد ءَ پنچ اکتوبر ءِ شپ ءَ ایرانی چیریں ادارھانی کارمنداں چھبار ءِ بازار ءَ یک لوگے ءَ بیڑ برتگ ءُ سالم جدگال آوار جتگ ءُ برتگ –

اھوالکار ءِ رد ءَ آوار جنگ ءَ پد دومی روچ ءَ پد ءَ چیریں ادارھاں بیڑ برتگ ءُ لوگ پَٹ ءُ پول کرتگ ءُ دگہ لھتے مردم ھم ھمے چہ لوگ ءَ گپتگ ءُ برتگ اَنت –

اھوالکار ءِ رد ءَ پنچ اکتوبر ءَ چیریں ادارھاں راسک ءَ یک نودربرے آوار جتگ ءُ برتگ –

گیشیں ھالانی رد ءَ پنچ اکتوبر ءَ راسک ءَ مولانا کوھی ءِ مدرسہ انوارالھرمین ءِ نودربرے ایرانی چیریں ادارھاں آوار جتگ ءُ برتگ –
آوار جنگ بیتگیں نودربر ءِ پجار زاکر آسکانی ءِ نام ءَ زانگ بیتگ –

اھوالکار ءِ رد ءَ زاکر آسکانی انوارالھرمین ءِ نودربرے کہ پنچ اکتوبر ءَ چیریں ادارھانی کارمنداں جست ءُ پرس ءِ واستا برتگ بلے پد ءَ آئی ءِ ھچ ھال نیست –