گوادر ءَ واکدارانی نادلگوشی ءِ بگیری ءَ دریا وردانی زھرشانی

دی بلوچستان پوسٹ

بلوچستان ءِ تیاب دپی دمگ گوادر ءَ مروچی دریا وردانی کارانی نہ کنگ ءِ بگیری ءَ دریا ورداں زھرشانی کرتگ –

زھرشانی ءَ آل پاٹی ءُ جتا جتائیں پگرانی منوگراں بھر زرتگ وتی ھیال درشانتگ انت –

اے درگت ءَ آھانی گوشتگ کہ ما چہ ھمے ابرمی زِر ءَ چہ ھاوند ءِ نیمگ ءَ رس اِتگ کہ ما وتی روزی ءَ چہ ھمد ءَ بہ کش ایں اے ناں کہ پہ سرکار ءَ کہ دگہ جاہ ءَ پکٹری ءُ کارھانہ جوڑ بہ کنت وتی مردماں کار روزگار بہ دنت –

دریا وردانی گوشگ اِنت کہ اے کہ چہ ھاوند ءِ نیمگ ءَ مارا رس اِتگ ھمیشی ءِ پھازگ ءَ ھم سرکار نہ کنگ انت پھازگ وتی جاہ ءَ مارا اے بژن انت کہ بلکیں آئی برباد کنگ ءَ واکدارانی جندے دست مان انت –

آیاں گوشت کہ آ درسیں ادارہ پشریز ءَ بہ گر داں ھمے واجکاراں کہ دریا وردانی گون ءَ زبان ءُ اکرار ءُ کول کنگ ءَ انت کہ ما شمارا گودی دئیں ما شمئے جیڑھاں گیش ءُ گیوار کن ایں اے درست مارا ریپینگ ءَ انت مردماں بڈگ ءَ انت پرچا؟ –

آل پاٹی ءَ بندوکیں رھشوناں تران کنان ءَ گوشت کہ ما کول کن اِیں کہ ھر وڑیں گودی ءُ ھروڑیں جیڑہ بیت ما آھانی گون ءَ ھمکوپگ انت –

ما شری بزان انت داں اے زر ماں پھازت نہ کرت اگاں ما وتی زرا مہ رکین ایں مئے آؤکیں پدریچ گار ءُ بیگواہ بیت اِنت –

آیاں گوشت کہ سی پیک نام ءِ سر ءَ دروگیں پندل سازی ءِ نام ءِ سر ءَ مئے زمین اش برتگ انت مئے جاہ برتگ انت ئے آ اد ءَ ھنچوش کنگ ءَ اَنت کہ ماھگیر ادے بنکی نندوک انت آھاں لاچار بہ کن انت تانکہ کم کم ءَ آ اے کار ءَ یل بہ دے اَنت ءُ در بیا انت –

آیاں دیمتر ءَ گوشت کہ ما بس ریپینگ بوگ ءَ انت کہ مئے ملک چین بوگ ءَ انت پلان بوگ انت بلے مارا گودی دئیگ نبیت – اگاں ما یکجاہ مہ بئیں توار چست مہ کنیں گڑا مئے گلینگ ءَ آسرو نہ کن انت دو سال انت کہ ھر سَے ماھے سر ءَ بس زبان ءُ کول کنگ بیت –

آھاں گوشت کہ آ ایشی ءَ شری ءَ سرپد بہ بہ ایں کہ گوادر ءِ دریا ورد، گوادر ءِ مردم، گوادر ءِچک کہ گوادریانی زمین انت بن پیرکی ھنکین انت آ ناں زمین یلا دیگ ءَ تیار انت ناں تیار بوتگ انت – ادے ھما ادارہ کہ ھست انت باید انت ھمیشی ءِ پھازگ بہ کن انت بلے ادے دراہ پشریز بیت یا گودی دراہ ناکام انت –

ما درستیں دریا وردانی ھمسنتی ءَ ساڑائیں مدامی گوں آیاں ھمکوپگ بئیں –