تمپ ءَ پاکستانی پوج ءِ گون ءَ جنگ ءُ چوپ ءَ شھید بوتگیں سرمچار عابد ولی ءَ سھر چکیں دروت ندر کن آں – بی آر اے

ورنا پہ ڈیھ ءِ ھاتر ءَ راجدپتر ءِ تاکاں ھوناں گوں نبیسگ ءَ اَنت – بیبگر بلوچ

دی بلوچستان پوسٹ

بلوچ آجوئی لوٹوکیں گل بی آر اے ءِ جارکش بیبگر بلوچ ءَ رسانکدراں وتی شنگ کرتگیں درشان ءِ تہ ءَ گوشتگ کہ گوستگیں شپ ءَ تمپ ءِ دمگ ملک آباد ءَ مئے سرمچار گوں پاکستانی پوج ءَ دپ کپتگ انت – جنگ ءُ چوپ بوتگ –

اے اُرش ءَ پوج ءِ بازیں کارمندے کُشتگ، وھدیکہ جنگ ءَ گل ءِ ورنائیں سرمچار عابد ء ولی پنام شاھی بلوچ پہ ڈیھ ءِ دیناں کربان بوتگ –

جارکش بیبگر بلوچ ءَ گوشتگ کہ شھید عابد ولی گوستگیں دو سالاں گل ءِ پتر ءَ پہ ڈیھے ھاتر ءَ چیر جنگ کنگ ءَ بوتگ – آ یک نہ ترس ءُ تمردیں سرمچارے بوتگ – ڈیھ ءِ ھاتر ءَ ورنایانی شھیدی بلوچ چاگردے تہ ءَ بیداری گیش بوان انت – ورنایانی شھیدی ءُ اے نگیگیں جاوراں ابید سلاہ بندیں جد ءُ جھد ءَ ھوار بوگ پہ زورگر ءِ ھاتر ءَ تباھی ءِ سوب جوڑ بیت اِنت –

گڈسر ءَ بیبگر بلوچ ءَ گوشتگ کہ زورگر ءِ بگیری ءَ سلاہ بندیں جد ءُ جھد گون ترندی برجاہ مان اِیت –