شال ءَ جتاجتائیں وئیلاں کسان سالیں چُک ءَ ھوار دو مردم بیران یکے زدگ

دی بلوچستان پوسٹ

شال ءَ لوگ ءِ چت کپگے سوب ءَ کسان سالیں زھگے بیران ءُ ڈنگانی تیر گواری ءَ یک مردمے بیران ءُ یکے ٹپی بوتگ –

ٹی بی پی پتر ءَ سربوتگیں ھالانی رِد ءَ بلوچستان ءِ مزن شھر شال ءَ مروچی بزاں چارشمبے ءَ روچ ءَ مری آباد میتگ ءَ لوگے ءِ چت کپگے سوب ءَ کسان سالیں سخاوت نامی چُک ءِ بیران بوتگ،

بیران بوتگیں گونڈل لاش ھسپتال ءَ برگ بوتگ ءُ اژدری چار ءُ ٹپاس ءَ پد کھول ءِ ھوالہ کنگ بوتگ –

ھمے وڈ شال ءِ دمگ کاسی دگ ءَ ڈنگانی دُزی ءِ میان ءَ تیر گواری ءِ آسر ءَ رحیم نامی مردکارے بیران بوتگ ءُ وھدیکے کریم نامیں مردمے ٹپی بوتگ –

وئیل ءِ ھال سربوھگ ءَ دمگی پھازداراں وت ءَ وئیل جاہ ءَ سرکُتگ ٹپی ءُ زدگ بوتگیں مردم دمگی ھسپتال ءَ بُرتگ انت – زدگ بوتگیں مردمے ٹپ درمان کنگ بوتگ انت ءُ اژدری چار ٹپاس ءَ پد لاش کھول ءِ ھوالہ کنگ بوتگ –