روکپتی بلوچستان ءَ سپاہ ءِ تیرگواری دو مردم بیران

روکپتی بلوچستان ءَ سپاہ ءُ ناشناسیں مردمانی میان ءَ تیرگواری ءَ دو مردم بیران ءُ سپاھے یک کارمندے مرتگ –

دی بلوچستان پوسٹ

سر بیتگیں ھالانی رد ءَ روکپتی بلوچستان ءِ دمگ نیکشھر ءِ ھنکین اسپکہ ءَ مروچی بیگاہ ءِ ساھت چار ءَ دگ بستگ ءُ رؤکیں دو مردمانی سر ءَ بیڑ برتگ –

اھوالکار ءِ رد ءَ اسپکہ ءِ ھند ءَ سپاہ ءَ دو مردمانی سر ءَ بیڑ برتگ ءُ ھردوکیں نیمگاں جنگ ءُ چوپ بندات بیتگ –

اھوالکار ءِ رد ءَ جنگ ءُ چوپ ءَ دو بلوچ بیران بیتگ اَنت ءُ سپاھے یک کارمندے مرتگ ءُ سَے زدگ بیتگ اَنت –

بیران بیتگیں مردمانی تہ ءَ یکے ءِ پجار مھمد گُل زینودینی ءِ نام ءَ زانگ بیتگ ءُ دومی ءِ پجار انگت ءَ نہ بیتگ –

تیرگواری ءُ بیڑی ءِ بارو ءَ دگہ گیشتریں ھال سر نہ بیتگ اَنت –