ڈنک وئیل ءَ ھواریں ریاستی کارندہ ءِ سر ءَ بیتگیں اُرش ءِ زمہ واری بی ایل ایف ءَ منّ اِتگ

دی بلوچستان پوسٹ

بلوچستان لبریشن فرنٹ ءِ جارکش میجر گوھرام بلوچ ءَ ریاستی کارندھے سر ءَ بیتگیں اُرش ءِ زمہ واری منّ اِتگ ءُ گوشتگ کہ بیست ءُ شش ستمبر ءِ بیگاہ ءَ سرمچاراں تربت آپسر ءَ ریاستی کارندہ حکیم ء چاچا ءِ سر ءَ تیرگواری کرتگ، چریشی ءَ چہ آ زدگ بیتگ –

جارکش ءَ گْوشت کہ حکیم جھمنند تربت آپسر نامی ئیں ریاستی کمکار سمیر سبزل ءِ ٹولی ءِ کارمندے بیتگ ءُ ڈنک وئیل ءَ دزمانجن بیتگ –

میجر گوھرام بلوچ ءَ گْوشت کہ شمبے ءِ بیگاہ ءَ سرمچاراں آپسر بُنڈ بازار ءَ حکیم ء چاچا ءِ رندگیری کرتگ ءُ تیرگواری کرتگ چریشی ءَ چہ آ زدگ بیتگ –

میجر گوھرام بلوچ ءَ گوشت کہ اے وڑیں درستیں سرکاری کارمند مئے نشانگ ءِ تہ ءَ اَنت –