روکپتی بلوچستان ءَ تیرگواری، یک مردمے بیران، یکے زدگ

دی بلوچستان پوسٹ

سر بیتگیں ھالانی رد ءَ روکپتی بلوچستان ءِ دمگ ھاش ءَ ناشناسیں مردمانی تیرگواری ءَ یک مردمے بیران بیتگ ءُ یکے زدگ بیتگ –

اھوالکار ءِ رد ءَ روکپتی بلوچستان ءِ دمگ ھاش بیت آباد ءَ گوستگیں شپ ءَ ناشناسیں مردماں تیرگواری کرتگ ءُ یک مردمے کُشتگ ءُ یکے زدگ کرتگ –

زدگ ءُ بیران بیتگیں مردمانی پجار نہ بیتگ اَنت –

زانگ بہ بیت روکپتی بلوچستان ءَ جتائیں وئیل ءُ تیرگواریانی وئیل ماں چاگردی رسانکجاھاں شنگ بیگ ءَ اَنت کہ نوزدہ ستمبر ءَ روکپتی بلوچستان ءِ دمگ سرباز دپ کور ءَ ناشناسیں مردماں یک گاڑی ءِ سر ءَ اُرش کرتگ ءُ چریشی ءَ چہ چُک، پِت ءُ مات بیران بیتگ اِت اَنت –

وئیلانی درگت ءَ دمگدارانی گوشگ اِنت کہ چوشیں گیشتریں وئیل دُزی ءُ ڈنگی ءِ میان ءَ بنت کہ اشاں ناشریں مردمانی دست ھوار اَنت –