بلوچستان: تیرگواری ءِ آسر ءَ دو زالبول ءَ ھوار پنچ مردم زدگ

دی بلوچستان پوسٹ

بلوچستان ءِ مزن شھر شال ءُ کھڈکوچہ ءَ چہ ناشُناسیں سلاہ بندانی تیرگواری ءَ پنچ مردم زدگ بوتگ اَنت –

ٹی بی پی پتر ءَ سربوتگیں ھالانی رِد ءَ بلوچستان ءِ مزن شھر شال منیر احمد دگ ءِ سر ءَ سلاہ بندیں مردمانی تیرگواری ءَ چہ عصمت اللہ ءُ اسد اللہ ٹپی بوتگ انت –
ٹپی بوتگیں مردم ھما دمان ءَ دمگی پولیس ءَ دز گپتگ ءُ نادراہ جاہ ءَ سر کُرتگ انت –

ھمے وڑ کھڈکوچہ دمگ انجیری ءَ سلاہ بندیں مردمانی تیرگواری ءَ دو زالبول ءَ ھوار سَے مردم زدگ بوتگ اَنت –

تیرگواری ءِ آسر ءَ عبدالصادق ءُ دگہ دو زالبول زدگ بوتگ اَنت –
زدگ بوتگیں مردم ھما دمان ءَ شہید نواب غوث بخش رئیسانی ھسپتال ءَ برگ بوتگ انت-

ھمے گُشگ بوھگ ءَ اِنت وئیل پیشی زاتی دژمنی ءِ سوب ءَ بوتگ – زدگ بوتگیں مردم مالدار انت –