پاکستانی لشکر ءِ دست ءَ سَے مردم بیگواہ

دی بلوچستان پوسٹ

سر بیتگیں ھالانی رد ءَ پاکستانی پوج ءَ گچک ءَ گوستگیں روچ ءَ سر مردم دزگیر کرتگ ءُ ناشناسیں زنداناں برتگ اَنت –

گیشیں ھالانی رد ءَ گوستگیں روچ ءَ پاکستانی پوج ءَ پنجگور گچک ءِ ھند ٹوبہ ءَ سَے مردم دزگیر کرتگ ءُ برتگ اَنت –

آوار جنگ بیتگیں مردمانی پجار ایوب، نصیر ءُ بورو ءِ نام ءَ زانگ بیتگ اَنت –

زانگ بہ بیت گچک ءِ کش ءُ گوری دمگاں گوستگیں ماہ ءَ پوجی آپریشن برجاہ اَنت ءُ بازیں مردمانی آوار جنی ءُ بیگواھیانی ھال اتکگ اَنت –

گچک ءِ دمگاں گوستگیں ماہ ءَ پوج ءِ آپریشن ءِ میان ءَ مردمانی لوگ ءُ گدانی سوچگ ءِ ھال ھم ھم چاگردی رسانکجاھاں شنگ ءُ تالان بیتگ اَنت –