دی بلوچستان پوسٹ
سر بیتگیں ھالانی رد ءَ روکپتی بلوچستان ءِ دمگ سرباز ءَ ایرانی چیریں ادارھانی کارمنداں یک مردمے دزگیر کرتگ ءُ ناشناسیں زنداناں برتگ –
اھوالکار ءِ رد ءَ گپتگیں مردم ءِ پجار ملا مھمد ایوب بارانی ء یار مھمد جھمنند سرباز ءِ نام ءَ زانگ بیتگ –
اھوالکار ءِ رد ءَ ملا مھمد ایوب سرباز ملک آباد ءَ نیکراھی وانگ جاھے ءِ سروک بیتگ ءُ اود ءَ چُکاں وانینگ ءَ بیتگ –
اھوالکار ءِ رد ءَ ملا مھمد ایوب ھژدہ ستمبر ءَ راسک ءِ چیریں ادارھاں دزگیر کرتگ ءُ گون وت برتگ –
اھوالکار ءِ رد ءَ چِد ءُ پیسر ھم نیکراھی ءَ بندوکیں ملا دزگیر کنگ ءُ برگ بیتگ اَنت –
اھوالکار ءِ رد ءَ ایرانی چیریں ادارھانی بھتام اِنت کہ اے مردم ناشرکاری ءِ واستا پوڑی جم کنگ ءُ ڈیھ ءِ واستا ناشری کنگ ءَ اَنت –
گپتگیں مردم ءِ درگت ءَ تنی وھدی ھچ ھال نیست –