روکپتی بلوچستان ءَ دگ ءِ جتائیں وئیلاں شش مردم بیران ءُ شش زدگ

دی بلوچستان پوسٹ

سر بیتگیں ھالانی رد ءَ فیروز آباد ءُ راسک ءِ میانی دگ ءَ گاڑی ءِ چَپی بیگ ءِ سوب ءَ بیست ءُ یک سالی ئیں ورنایے سوتکگ ءُ زدگ بیتگ –

وئیل ءَ پد سوتکگیں مردم راسک ءِ نادراہ جاہ ءَ برگ بیتگ ءُ اود ءَ بنداتی ءَ سوچکانی درمان ءَ پد زاھدان ءَ برگ بیتگ –

ھمے وڑ ءَ کاش ءَ دیم پہ زاھدان ءَ روکیں سَے گاڑی دگ ءِ وئیل ءِ آماچ بیتگ اَنت –

اھوالکار ءِ گوشگ اِنت کاش ءَ دیم پہ زاھدان ءَ رؤکیں گاڑیانی وئیل ءَ شش مردم بیران بیتگ اَنت ءُ پنچ زدگ بیتگ اَنت –

اھوالکار ءِ گوشگ اِنت روکپتی بلوچستان ءَ زورگار ءِ نہ بوگ ءِ سوب ءَ ورنا ساہ بریں کارانی تہ ءَ وتی لاپ ءِ والینگ ءَ در کپ اَنت چریشی ءَ چہ گیشتریں وئیل بیگ ءَ اَنت –

بیران ءُ زدگ بیتگیں مردمانی پجار نہ بیتگ اَنت –