دی بلوچستان پوسٹ
شال ءَ ڈُنگانی تیرگواری یک مردمے ٹپی بوتگ، گوستگیں روچ ءَ بند مٹھا چوک کبرستان ءَ زالبولے ءِ لاش دزکپتگ ـ
ٹی بی پی ءَ سربوتگیں ھالانی رِد ءَ بلوچستان ءِ مزن شھر شال ءَ پشتون آباد بند مٹھا چوک ءِ نزیکیں کبرستان ءَ زالبولے ءِ لاش دز کپتگ ـ
ایدھی کارمنداں لاش دست گپتگ ءُ اژدری چار ءُ ٹپاس ءِ ھاتر ءَ ھسپتال ءَ بُرتگ ـ
ھمے وڑ ءَ شال ءِ دمگ شھباز ٹاؤن ءَ دزانی تیرگواری ءَ مردمے زدگ بوتگ ـ
پولیس ءِ رِد ءَ دُزاں پرپٹ ءِ پچگرگ ءِ میان ءَ عامر نامی ئیں مردمے ءِ سر ءَ تیرگوری کُتگ ، چریشی ءِ آسر ءَ آ ٹپی بوتگ ـ
ٹپی بوتگیں مردم ھما دمان ءَ ھسپتال ءَ برگ بوتگ ـ گیشیں پٹ ءُ پول برجاہ انت ـ