ھاران ءَ تیرگواری، دو برات بیران

بلوچستان ءِ دمگ ھاران ءَ تیرگواری ءِ وئیل ءَ دو برات بیران بیتگ اَنت –

دی بلوچستان پوسٹ

تیرگواری ءِ وئیل شال ءِ دگ ءَ ھاران ءَ گرڈ اسٹیشن ءِ نزیک ءَ پیش اتکگ کہ اود ءَ ناشناسیں سلاہ بندیں مردماں تیرگواری کرتگ ءُ دو برات نشانگ کرتگ اَنت –

لیویز بنشون ءِ رد ءَ ھردوکیں برات چہ لوگ ءَ کارگس ءَ روگ ءَ بیتگ اَنت کہ ناشناسیں سلاہ بندیں مردماں تیرگواری کرتگ ءُ زدگ کرتگ اَنت ناگیگیں جاوراں ڈی ایچ کیو ھاران شیخ زید نادراہ جاہ ءَ برتگ انت اِش اود ءَ ھردوکیں براتاں وتی ٹپ نہ سگ اِتگ ءُ بیران بیتگ اَنت –

لیویز بنشون ءِ گوشگ اِنت وئیل ءِ پٹ ءُ پول برجاہ اِنت –

زانگ بہ بیت بلوچستان ءَ چوشیں وئیل ھمک وھد پیش آیگ ءَ اَنت بلے سرکاری گامگیج ھچ رنگ ءَ گندگ ءَ بیگ ءَ نہ اَنت –