پاکستانی پوج ءِ بندیگ جاھاں یک مردمے یلہ کنگ بیتگ

دی بلوچستان پوسٹ

سر بیتگیں ھالانی رد ءَ پاکستانی پوج ءِ بندیگ جاھاں بندیگیں مردمے یلہ کنگ بیتگ ءُ وتی لوگ ءَ سر بیتگ –

یلہ بیتگیں مردمے پجار سلمان اکبر ءِ نام ءَ زانگ بیتگ ءُ آئی ءِ کھول ءَ سلمان ءِ یلہ بیگ ءِ ھال راست کرتگ –

زانگ بہ بیت سلمان اکبر دو سال ءُ شش ماہ ءَ پیسر تربت ءَ دشتی بازار ءَ آئی ءِ پت ءِ درمان جاہ ءَ پاکستانی پوج ءُ چیریں ادارھاں آوار جتگ ءُ برتگ –

دو سال ءُ شش ماہ ءَ زندانی بیگ ءَ پد مروچی آ گوادر ءَ یلہ کنگ بیتگ ءُ وتی لوگ ءَ سر بیتگ –