مند ءَ لبزانکی دیوان برجم دارگ بیتگ

دیوان ءَ بلوچی زبان ءِ شائراں مزنیں کساس ءَ بھر زرتگ ءُ وتی شَیر دیوان ءَ ونتگ ءُ دیوان پُر نود کرتگ-

دی بلوچستان پوسٹ

سر بیتگیں ھالانی رد ءَ مند ءَ قاسم لبزانکی مجلس ءِ نیمگ ءَ مند ءَ مروچی لبزانکی ءُ زیملی دیوانے برجم دارگ بیتگ –

اھوالکار ءِ رد ءَ دیوان ءِ مھمان چہ درملک ءَ اتکگیں بلوچی زبان ءِ تامرکار زاھد مجید بیتگ کہ گل ءَ آئی ءِ شرپ ءَ دیوان کرتگ ءُ دیوان دو بھر ءَ بیتگ یک اولی بھر شائری ءُ دومی بھر زیملی بھر ءَ بیتگ –

اھوالکار ءِ رد ءَ دیوان ءَ بلوچی زبان ءِ شائراں بھر زرتگ ءُ وتی شَیر دیوان ءَ ونتگ ءُ دیوان پُر نود کرتگ-

دیوان ءَ بھر زرتگیں شائرانی تہ ءَ صدام ھمراز، صغیر سلام، حفیظ قاسم، فارس صوالی، اللہ داد دیدگ، کمبر قیوم، مھم شاہ ارمان، غنی ارمان، عنایت سلیم، ایوب دریاس، سعد اللہ ساحر ءُ غلام حسین دیدار ءَ بھر زرتگ ءُ وتی باریگ ءَ شَیر ونتگ اَنت –

اھوالکار ءِ رد ءَ دیوان ءِ دومی بھر ساز ءُ زیملی بیتگ کہ آئی ءِ تہ ءَ اکبر راج ءُ یاسین بلوچ ءَ شرکنیں توار ءَ گوں دیوان وتی نیمگ ءَ دلگوش کرتگ –

دیوان ءِ چارچینی ءِ ڈبہ بلوچی زبان ءِ شائر عنایت سلیم ءَ زرتگ ءُ گڈ سر ءَ آئی ءَ دیوان ءَ اتکگیں شائر ءُ مردمانی مِنت گپتگ ءُ دیوان ھلاس کرتگ –