دی بلوچستان پوسٹ
بلوچستان ءِدمگ بولان ءَ شال ءِ نندوکیں دو برات آپ ءِ تھا بُڈ اِتگ ءُ بیران بوتگ انت ـ
ٹی بی پی پتر ءَ سر بوتگیں ھالانی رِد ءَ بولان ءِ دمگ پنجرہ پھل ءَ سیل ءُ سواد ءَ شُتگیں دو برات آپ کپتگ ءُ بیران بوتگ انت ـ
بیران بوتگیں مردمانی پجار محمد علی ءُ عبدالمنیر ء شھزاد احمد ءِ نام ءَ چہ بوتگ اَنت ـ دوئیں برات بلوچستان بنجاھی شھر شال ءِ نندوک انت ـ
لیویز بنشون ءِ رِد ءَ دؤئیں مردمانی لاش چہ آپ ءَ کشگ بوتگ انت ڈھاڈر ھسپتال ءَ برگ بوتگ انت ھمودا ھژدری چار ءُ ٹپاس ءَ پد لاش کھول ءِ ھوالگ ءَ کنگ بوتگ انت ـ
زانگ بہ بیت بولان پہ سیل ءُ سواد ءَ شُتگیں مردم گیشتر اوژناگ نزان انت ءُ مزنیں آپانی تھا دور کن انت ـ چریشی ءِ سوب ءَ بازیں وھداں آ مرگے دیمپان بنت ـ بیران بوتگیں مردمانی کچ گیشتر ورنایانی اِنت ـ