زھری ءَ لیویز کارمند ءِ کوش ءِ زمہ واری ءَ من ایں — بی ایل اے
دی بلوچستان پوسٹ
بلوچ لبریشن آرمی ءِ جارکش جئیند بلوچ ءَ ناشناسیں جاھاں چہ رسانکءَ شنگ کُتگیں درشان ءِ تھءَ لیویز کارمند ءِ کُشگ ءِ زمہ وارت من اِتگ ءُ گوشتگ کہ بی ایل اے ءِ سرمچاراں گوستگیں بیگاہ ءَ خضدار ءِ دمگ زھری ءَ لیویز کارمند رھیم عمرانی پنام کالیا مزنیں بازا ءَ تیر جتگ ءُ نشانگ کُتگ کہ آئی سوب ءَ آ ھما جاہ ءَ مُرتگ۔ اے اُرش ءِ زمہ واری ءَ بی ایل اے من اِیت۔
جیئند بلوچ ءَ گیشتر گوشت کہ رھیم عمرانی گوسگیں مزنیں وھدے ءَ چہ پاکستانی چیریں گل ایم آئی ءِ ھاترءَ کارءَ بیتگ۔ اے نیام ءَ اِشی ءَ بلوچ ورناھانی بیگواھی ءُ بلوچ راجی جُنز ءِ بگیری ءَ جرمکاری ءَ ھوار بیتگ۔
آئی ءَ دیمترا گوشت کہ ھمے مردم ورناھاں منشیات ءِ نیمگ ءَ برگ ءَ ھوار دگہ چاگردی ھرابیانی تھءَ ھم ھوار بیتگ، پوج ءِ مستری ءِ سوب ءَ آئی ءَ سرجم ءَ آزاتی بیتگ۔