پنجگور ءَ شھید بیتگیں سرمچاراں سھر چکیں دروت ندر کن آں – بی ایل اے

دی بلوچستان پوسٹ

بلوچ لبریشن آرمی ءِ جارکش جئیند بلوچ ءَ رسانکدراں وتی شنگ کرتگ درشان ءِ تہ ءَ گُشتگ کہ 15 اگست ءَ پنجگور ءِ دمگ گچک ءَ لشکر کشی ءِ میان ءَ بلوچ لبریشن آرمی ءِ سرمچاراں زورگپتیں پاکستانی آرمی پیش کدمی دارگ ءِ ھاتر ءَ داں دیراں جنگ داشتگ ـ اے میڑ ءَ دژمنیں پوج ءِ بازیں کارمندے مرتگ ءُ زدگ بوتگ اَنت ـ وھدیکہ اے جنگ ءَ بی ایل اے دو بامردیں سنگت شھید بوتگ اَنت ـ

آئی دیمتر ءَ گوشتگ کہ بی ایل اے شھیدیں سرمچار آصف پنام ءِ فدا ء لال جان ءُ گلاب پنام ءِ وحید ء پُلان ءَ گچک سلاری ءَ زورگپتیں پاکستانی فوج ءِ پیش کدمی دارگ ءِ ھاتر ءَ آھانی سر ء اُرش کُتگ ـ بازیں اداراں برجاھیں جنگ ءُ چوپ ءَ پاکستانی پوج ءِ بازیں کارمندے مُرتگ ءُ زدگ بوتگ اَنت ـ دوئیں بامردیں سرمچاراں گوں دلیری ءَ ماتیں ھاک ءِ پھازگ ءَ شھیدی ءِ ھون پہ زمین ءَ ندر کرتگ اَنت-

جارکش ءَ دیمتر ءَ گوشتگ کہ سنگت شھید آصف بلوچ ءُ سنگت شھید گلاب بلوچ 2017 ءَ چہ بلوچ لبریشن آرمی ءَ گوں ھمگرنچ بوتگ انت ـ دوئیں سنگت زانتی ءَ پھتو بیتگ اَنت، دلیری ءُ جھد کوشست ءِ بے مٹیں درور بوتگ انت ـ شھیدیں سنگتاں ماتیں وتن ءِ پھازگ ءُ بلوچ آجوئی ءِ زرمبش ءِ ھاتر ءَ گراں بھائیں وھد سوگات کرتگ –

آجوئی لوٹوکیں گل بلوچ لبریشن آرمی ءَ شھید آصف ءُ شھید گلاب ءَ آھانی راجی دیمپانی، دلیری ءُ بامردی ءَ گوں شھید بوگ ءِ سر ءَ سھر چکیں دروت ندر کَنت ـ

جارکش جئیند بلوچ ءَ گوشتگ کہ پاکستانی پوج ءَ پنجگور، گچک ءُ چل چاگرداں یک مزنیں پوجی لشکر کشی ءِ بندات کُتگ ـ کہ آ بسیمہ دمگ راگے، سکہن ءُ آواران ءِ گیشتریں دمگاں ماریچان بوتگ اَنت ـ ھشت روچاں چہ برجاھیں لشکر کشی ءَ جنگی کانودانی بگیری کنان ءَ زوراکیں پوج لس مھلوک ءَ چہ جنگی بالی گرابانی زور ءَ نشانگ کنگ ءَ اِنت ـ اے میان ءَ لس بلوچانی لوگ ءُ جاھاں سوچگ ءَ اِنت وھدیکہ بازیں چُک ءُ زالبولے لٹ ءَ کُٹ کنگ ءُ بیگواہ کنگ بیتگ اَنت –