روکپتی بلوچستان ءَ رھمت جمال ءِ شھید کنگ ءَ ھواریں استانی چاریگ دردناکیں رنگے ءَ نشانگ کنگ بنت – بی آر اے

شھید رھمت جمال دشت کپکپار ءِ جھمنند بیتگ، آ گوستگیں چار سالاں بی آر اے ءِ پتر ءَ راجی آجوئی ءِ جنگ ءِ بھر بیتگ۔ بیبگر بلوچ

دی بلوچستان پوسٹ

بلوچ ریپبلکن آرمی ءِ جارکش بیبگر بلوچ ءَ رسانکدراں شنگ کرتگیں وتی یک درشانے ءِ تہ ءَ گْوشتگ کہ دوازدہ اگست ءَ روکپتی بلوچستان ءِ دمگ درگس ءَ آئی ایس آئی ءِ چریکاں تیرگواری کرتگ ءُ مئے ھمراہ رھمت جمال پنام ءِ فارس ء جمال شھید کرتگ –

آئی ءَ گوشت کہ شھید رھمت جمال دشت کپکپار ءِ جھمنند بیتگ، آ گوستگیں چار سالاں بی آر اے ءِ پتر ءَ راجی آجوئی ءِ جنگ ءِ بھر بیتگ ءُ بازیں جنگانی تہ ءَ ھوار بیتگ – شھید رھمت جمال دیرپگر ءُ جھد کنوکیں ھمراھے ءِ بیگ ءِ ھواری ءَ یک نہ ترس ءُ جنگولے بیتگ آئی ءِ داتگیں گرانبھائیں دیمونی ءِ ھون ءِ ھمک ترمپ یک آجوئیں ڈیھے ءِ بستار ءَ سرجم بنت –

بیبگر بلوچ ءَ گوشت کہ ڈیھ ءِ آجوئی ءَ پرکاریں ورنایے شھید کنگ ءَ ھواریں کارندہ دردناکیں رنگے ءَ نشانگ کنگ بنت –