ائید ءِ وشیانی روچ ءَ پنجگور ءَ عزت اکیڈمی ءِ دیوان

سر بیتگیں ھالانی رد ءَ پنجگور ءَ عزت اکیڈمی ءِ نیمگ ءَ مزنیں ائید ءِ وشیانی روچ ءِ درگت ءَ یک شئیری دیوانے برجم دارگ بیتگ –

عزت اکیڈمی ءِ نیمگ ءَ شنگ بیتگیں درشان ءِ تہ ءَ گوشگ بیتگ کہ شئیری دیوان ءِ سرکماشی اِزت اکیڈمی ءِ ایگزیکٹو کمیٹی ءِ باسک پروفیسر اکبر گمشاد ءَ کرتگ –

دیوان ءَ اتکگیں مھمانانی تہ ءَ بلوچی زبان ءِ جوانیں شائر وھاب شوھاز ءُ دادی مھمان پروفیسر مھمد ھسین آزم ءَ بھر زرتگ –

آئی ءَ گْوشت کہ دیوان ءِ جارچینی ءِ ڈبہ اکیڈمی ءِ کمک سرکماش اقبال زھیر بلوچ ءِ سرا بیتگ ءُ آئی ءَ دیوان ءَ بھر زیروکیں مردم یک پہ یک ءَ وش اتک کرتگ اَنت –

دیوان ءَ بازیں شائر ءُ زانتکاراں بھر زرتگ ءُ شائراں دیوان ءَ وتی شئیر ونتگ اَنت –

دیوان ءَ بھر زیروکیں شئیر وانوکانی تہ ءَ پروفیسر اکبر گمشاد، وھاب شوھاز، اسماعیل سما، حدا رھم شوھاز، ملا مراد، ودود عبدل، ولی ساسولی، پیر جان نعیم، زاکر زھیر، ھاجی گلام نبی باھند ھاشمی، عبدالحکیم آفتاب روس، امان ھمراز، مختار سخی، مالک متاہ، شکیب شکیل، حفیظ سنجر، مھر اللہ مھر، علم ابرار، شے مرید، دین جان تاھیر، ساجد واھگ، لالا عمیر، سلطان غفور، محسن بسمل، زبیر کوسر، امجد ھمید، سابق سادق، نعمت ھسین، فھیم عباس ءُ کاشپ کریم ءَ بھر زرتگ ءُ وتی شئیر جوانیں رنگے ءَ دیوان ءَ درشان کرتگ اَنت۔

دیوان ءَ پروفیسر محمد ھسین ازم ءَ دیوان ءَ بھر زیروکیں مردمانی گون ءَ تران کنان ءَ گْوشت کہ اکیڈمی باید جتا جتائیں مراگش اڈ بہ دنت دانکہ لبزانک ءُ چاگرد جوانیں رنگے ءَ سوبمندی بہ بیت –

دیوان ءَ وھاب شوھاز ءَ وتی ھیال درشان کنان ءَ گْوشت کہ مروچی من ءَ باز وشی بیت کہ چوشیں جوان ءُ مھکمیں دیوانے ءَ من ھوار بیتگ ءُ دو گپ کنگ ءِ موہ رس اِتگ ءُ اکیڈمی باید وتی جھد ءَ ھمے وڑ ءَ برجاہ بہ دار ایت –

گڈسر ءَ اکیڈمی ءِ ایگزیکٹو کمیٹی ءِ باسک پروفیسر اکبر گمشاد ءَ دیوان ءَ اتکگیں مردمانی منت گپتگ ءُ دیوان ھلاس کرتگ –