بلوچستان ءِ نامی ئیں گشندہ ءِ بیرانی ءِ ھبدھمی سالروچ دارگ بیگ ءَ اِنت

بلوچستان ءِ نامی ئیں گشندہ ءِ بیرانی ءِ ھبدھمی سالروچ دارگ بیگ ءَ اِنت

دی بلوچستان پوسٹ

بلوچی زبان ءِ مزن نامیں گُشندہ نورھان بزنجور ءِ بیرانی مروچی ھبدھمی سالروچ دارگ بیگ ءَ اِنت-

نورھان بزنجو ء گلام سرور جھمنند پسنی کہ سال دوھزار ءُ سَے ءَ پنچ اگست ءَ مند ءَ آروسی دیوانی ءِ ھلاسی ءَ پد دیم پہ وتی منزل ءَ رھادگ بیتگ کہ تربت ءِ رسگ ءَ پد آ بیران بیتگ –

نورھان بزنجو بلوچستان ءِ نامی ئیں گشندھانی لڑاں ھوار اِنت کہ آئی ءِ توار ءَ بلوچستان ءِ جتائیں ھند ءُ دمگانی مھلوک پہ شرپے ءَ گوشداریت –

نورھان بزنجو ءَ وتی زیملی گام شانزدہ ءُ ھبدہ سال ءِ اُمر ءَ بندات کرتگ ءُ نورھان بزنجو ءِ بنداتی استاد بلوچی زبان ءِ نامداریں سازگر استاد اجاز الی بوتگ –

نورھان گشندھی ءَ ابید شائر ءُ وشکند نویسے ھم بوتگ کہ آئی ءِ وشکند جتائیں تاک ءُ مھتاکاں شنگ ءُ تالان بیتگ اَنت –

نور بزنجو ءِ شائری ءِ اولی کتاب کہ آئی ءِ نام بام رنگیں صدف ” نام ءَ نور پبشلی کیشنر پسنی ءَ چاپ ءُ شنگ کرتگ –

نور ھان بزنجو ءِ بیرانی ءَ پد بلوچستان ءِ جتائیں تکاں بندوکیں مردماں پدردی بیتگ ءُ ھمک سال آئی ءِ یات ءَ مردم پدردی لیکہ درشان کن اَنت –