نوشکی ءَ دگ ءِ وھیل ءَ دہ مردم زدگ-

نوشکی ءَ دگ ءِ وھیل ءَ دہ مردم زدگ-

دی بلوچستان پوسٹ

دی بلوچستان پتر ھال ءَ سربیتگیں ھالانی رِد ءَ بلوچستان ءِ دمگ نوشکی گری ڈاک ءَ سرپ گاڑی ءُ وٹس گاڑی ءِ ٹکر ورگ ءِ سوب ءَ دہ مردم زدگ بیتگ اَنت –

دمگی مردمانی رد ءَ نوشکی ءِ دمگ گری ڈاک ءَ تیز روگ ءِ سوب ءَ سرپ گاڑی ءُ وٹس گاڑی ءَ ڈیک وارتگ ڈیک ورگے سوب ءَ دوئیں گاڑیاں سواریں دہ مردم زدگ بوتگ بیتگ اَنت –

وھیل ءَ زدگ بیتگیں مردم پہ ٹپانی درمان کنگ ءِ ھاتر ءَ نوشکی ءِ سول ھسپتال ءَ سر کنگ بوتگ انت- کہ اود ءَ دارو درمان ءَ پد آیانی تھا چار مردم کہ سک باز ٹپی بوتگ آ دیم پہ بلوچستان ءِ مزن شھر شال ءِ نادراھجاہ ءَ دیم دیگ بوتگ انت-

زانگ بہ بیت بلوچستان ءِ جتائیں جاھاں دگانی سر ءَ بیتگیں وھیلاں پد دمگی مردم ھمے ھیال ءُ لیکھاں درشان اَنت کہ دگانی سر ءَ بیتگیں وھیل گیشتر دگانی پُرشت ءُ پروشی ءُ دومی گاڑیانی ڈرائیورانی نادلگوشی ءَ چہ بنت –