شال ءَ بیگواھیں مردمانی درگیجگ ءِ ھاتر ءَ زھرشانی برجاہ

شال ءَ بیگواھیں مردمانی درگیجگ ءِ ھاتر ءَ زھرشانی برجاہ

دی بلوچستان پوسٹ

بلوچستان ءِ بنجاھی شھر شال ءَ وائس فار بلوچ مسنگ پرسنز ءِ زھرشانی ءَ مروچی 4027 روچ سرجم بوتگ-

نیشنل ڈیموکریٹک پاٹی ءِ بنجاھی ڈپٹی آرگنائزر شاہ زیب بلوچ، سینٹرل کمیٹی ءِ باسک سناء بلوچ ءَ بنجل ءِ تر ءُ تاب کُرتگ ءُ بیگواھیں مردمانی کھولانی گون ءَ دلپدردی درشانتگ-

ھمے درگت ءَ وائس فار بلوچ مسنگ پرسنز ءِ رھشون ماما قدیر بلوچ ءَ وتی ھیال درشان کُتگ ءُ گْوشت کہ مروچی بلوچ ءِ پُرایمنیں جد ءُ جھد ءَ درسیں جھلی ءُ برزیانی وت ماں وتی دوری ءَ ابید سرجمیں دگنیا ءَ وت ءَ آشنا کُرتگ- کہ الم ھمے شھیدانی ھون ءُ بیگواھیں مردمانی کھول ءُ بلوچانی پُرایمنیں جد ءُ جھد ءِ برورد انت-

آئی ءَ گشتگ کہ جست اے چست بیت کہ اشی ءِ گیشتر چون یک جوانیں وڑے ءَ مھکمیں ادارھے ءِ جوڑ کنگ بیت تانکے سیاسی پُرایمنیں جد ءُ جھد ءَ بیگواھیں مردمانی یل کنائینگے منزل ءَ سرکنگ تاں وتی کرد پیلو کنان ءَ پُرایمنیں جد ءَ جھد ءِ دیمروی یے بہ بیت-

ماما قدیر بلوچ ءَ گْوشت کہ انسان یا ادارھانی ردی گرگ ءُ وھد ھالاتانی ھمراھی ءَ زمینی ھمگرنچی ءُ دورچاری ءِ ھمراھی ءَ وتی مھکمی یکینی جوڑ کنیں- گیشتر پُرایمنیں جد ءُ جھد ءِ تھا وھد ساھت، ھالات ءُ وھیل مدامی سگگ ءُ دربرگے کار ءَ آسری دینت-

آئی ءَ گُشت کہ مروچی بیگواھیں مردمانی کھولاں پاکستان ءِ در پہ در ٹکان کُرتگ انت ءُ وت ءَ سرجمیں جھان ءُ دگہ راجاں وتی نیمگ ءَ دلگوش کنائینتگ انت –

گڈسر ءَ آئی ءَ گُشتگ کہ ریاست ءِ چیریں ادارھانی دست ءَ بلوچانی آوارجنی بیگواھیانی رِد یکشل ءَ برجاہ ءَ اَنت بلے انگت ء انسانی ھکانی منوگر ءُ جھانی گل گراں وابی ءَ گوں واب انت-