شال ءَ سلاہ بندانی تیرگواری ءَ یک مردمے بیران
دی بلوچستان پوسٹ
دی بلوچستان پتر ھال ءَ سر بیتگیں ھالانی رد ءَ شال ءَ سریاب مل ءِ نزیک ءَ رکشہ ءِ سر ءَ ناشناساں تیرگواری کرتگ ءُ یک مردمے کُشتگ –
بیران بیتگیں مردم ءِ پجار بکتیار ء گزی مری ءِ نام ءَ زانگ بیتگ –
دمگی مردمانی رد ءَ بکتیار مری ءِ سیادی پیسر ءَ یک سلاہ بندیں گلے ءَ بیتگ کہ آئی ءَ پاکستان ءِ دیم ءَ سلاہ چگل داتگ اَنت –
زانگ بہ بیت سلاہ چگل دیوکاں گیشتر بلوچستان ءِ آجوئی لوٹوکیں گل نشانگ کنگ ءَ اَنت بلے تنی وھدی شال ءَ کُشتگیں بکتیار ءِ کوش ءِ زمہ واری ھچ گل ءَ نہ من اِتگ –