زامران ءَ پنچ پوجی کارندھانی کوش ءِ زمہ واری ءَ منّیں، براس

زامران ءَ پنچ پوجی کارندھانی کوش ءِ زمہ واری ءَ منّیں، براس

دی بلوچستان پوسٹ

بلوچ آجوئی دوستیں ھمسنتیں گل بلوچ راجی آجوئی سنگر (براس) ءِ جارکش بلوچ ھان ءَ ناشناسیں جاھے ءَ یک شنگ کرتگیں بیانے ءَ گْوشتگ کہ ھپت جولائی ءَ بلوچستان ءِ دمگ کیچ ءِ ھنکین زامران جالگی ءَ پاکستانی پوج ءِ سر ءَ بیتگیں اُرش ءِ زمہ واری منّ اِتگ –

بلوچ ھان ءَ شنگ کرتگیں بیان ءِ تہ ءَ گْوشتگ کہ براس ءِ سرمچاراں ھپت جولائی ءَ کیچ ءِ ھنکین زامران نھینگ کور ءَ فرنٹیئر کور ءِ پنچ گاڑیاں ھواریں کاروان ءِ سر ءَ ھما وھد ءَ اُرش کرتگ آ نرم ءِ پوجی بنجل ءِ نیمگ ءَ روگ ءَ بیتگ اَنت -اُرش ءَ پوج ءِ دو گاڑی سرجم ءَ پُرشتگ ءُ ھلاس بیتگ اَنت، چریشانی تہ ءَ پنچ پوجی کارندہ ھما دمان ءَ مُرتگ ءُ باز زدگ بیتگ اَنت – اے ترندیں اُرش ءَ سرمچاراں پوج بازیں وھداں انگیر ءَ کرتگ، ساہ ءِ رکینگ ءَ دشمنیں پوج ءَ جنگی ھیلی کاپٹر توار پِر جنگ بیتگ اَنت، بلے مئے سرمچار اُرش ءَ پد سلامتی ءَ دراھگ ءَ سوبین بیتگ اَنت –

بلوچ راجی آجوئی سنگر براس اے اُرش ءِ زمہ واری ءَ منّ اِیت، راجی ھمسنتی ءِ زانت ءِ سر ءَ زانشت ءِ گاماں براس زوران اِنت ءُ یک مھکمیں راجی پوجے ءِ نیمگ ءَ گامان اِنت، چُشکہ بلوچ سلاہ بندیں زور یک ھمسنتی ءَ گوں دشمنیں پوج ءِ سر ءَ اُرش کار بیت کن اَنت –

بلوچ ھان ءَ دیمتر ءَ گْوشت کہ بلوچ راجی آجوئی سنگر (براس) کراچی ءَ پاکستان اسٹاک ایکسچینج ءِ سر ءَ بیتگیں مجید برگیڈ ءِ پدائی اُرش ءَ بلوچ سلاہ بندی راجدپتر ءَ دیمونی ءُ نوکیں رنگ ءُ داب ءَ یک جوان ءُ کردگارے سرپد بیت اِنت، ءُ مجید برگیڈ ءِ پدائی اُرشانی پلامرزی ءَ کنت-
بلوچ پدائیاں وتی گران بھائیں سرانی دیمونی ءَ بلوچ جنگ ءِ آجوئی ءَ یک نوکیں ھنچیں چراگے روک کرتگ ھمیشی ءِ رژنائی ءَ روانی ءَ کنان بنت ءُ دشمن ءَ یک ھنچیں پروشے ءِ آماچ کن اَنت – براس شھید سلمان ھمل، شھید شھزاد بلوچ، شھید سراج کنگر ءُ شھید تسلیم بلوچ ءَ سھر چکیں دروت ندر کنت –

آئی ءَ گوشت کہ بلوچ راجی زرمبشت آجوئی، یک پلگاریتگیں زانتی ءُ تھنا راجی زرمبشتے، کہ ایشی ءِ نھال بلوچ شھیدانی ھوناں گوں آپ دار اِنت ءُ پیداک اِنت، کہ چریشی ءَ راجدپتر دیمونیاں سریچ اِنت -دشمن ھروھد ءَ ھمے جھد ءَ کنگ ءَ اِنت کہ دیمونیانی اے دراجی ءِ درچ ءَ بے سر جوڑ بہ کن آں ءُ زرمبشت ءَ دنیا ءِ دیم ءَ درامدی ءُ وتمانی پیش بہ داراں دانکہ بلوچانی جائز ءُ کانودیں ھکانی سر ءَ سوال ایر بہ کن آں ءُ دومی ھمساھگیں ڈیھاں پاکستان ءِ نیمگ ءَ ناشرکاریانی دزکپگ ءِ باپاری ھلگ ءَ اِنت
َھمے سوب ءَ منانک بہ اوشتاریناں – نِی دشمنیں پاکستان ءِ راستی ءِ چیدگ ءَ اے بھمیانگیں بیاناں لنکک ھما وڑیں یورپی نشینیں مردمانی نیمگ ءَ کنگ ءَ اِنت کہ بس بلوچ دوستی ءِ گپ ءَ کنگ ءَ اَنت –

گوستگیں روچاں یک ھنچیں ایراد گری مردمی ٹولی ءِ نیمگ ءَ چہ دشمنیں پاکستان ءِ بیانانی کمک ءَ کنان ءَ براس ءِ ھمسنتی گل ءِ سر ءَ پاکستانی بھتام جتگ کہ براس ایرانی داشتگین ئِے، یورپ نشینیں ھمے ٹولی گوست ءَ براس ءِ یک ھمسنتی گلے ءَ ھندوستان ءِ چیرکاری ءِ بھتام جتگ ءُ دیمونیانی زانشتیں شھسسائیں نوکیں چراگ ءِ ودی کنوک جنرل اسلم بلوچ ءُ دراھیں پدائی چیرکاری گوشتگ اَنت – براس اے بھتاماں دشمنیں پاکستان ءِ بیانانی کمک ءُ بلوچ سلاہ بندیں زوراں دشمن ءِ ھلاپ ءَ جنگ ءَ ابید وت ما وتی جنجالانی دیمپانانی یے سرپد بیت ءُ اے بھتاماں ترندی ءَ گوں رد کنت براس ءِ اے رد کنگ ءَ پد اگاں بیچارگیں ٹولی ءَ دیم ءَ چوشیں بے بنیں گپ پیش کرت گڑا براس اے بھتامانی دودمانی یا بے دودمانی رنگ ءَ کنت گڑا ما اے ٹولی ءِ نام ءِ گرگ ءَ ھکدار بہ ایں