بانڈی ایں گهار داکتر مهرنگ ءِ نام ءَ
شائر: آرپ وپا بلوچ
دی بلوچستان پوسٹ
مئے اُمیتانی نام مهرنگ اِنت
سیت سوبانی شکّلیں جنگ انت
کنوئی کُنل چو تئی سنگ اِنت
جنز منی ماتیں گلزمین تنگ اِنت
جی ترا بات اِنت بانڈی دروشم
دیدگیں گپار ءِ وتی دروشم
ڈاهوئی کشکاں رژن همتنگ اِنت
مئے امیتانی نام مهرنگ اِنت
زلم ءِ سیاهی ءَ تو بہ کن مانا
اے تباهی ءَ تو بہ کن مانا
زندگی زند ءِ چو تئی رنگ اِنت
مئے امیتانی نام مهرنگ اِنت
سرمچاری ءُ سر پدائی اِنت
ناشریں هوکانی هدائی اِنت
سبی ءُ ڈاڈر پرچیا زنگ اِنت
مئے امیتانی نام مهرنگ اِنت
گوانزگی شیر مچ ،نئے گهارے زانت
شبروئی آرپ چوں میارئے زانت
بزدلیں دژمن چینچو بے ننگ اِنت
مئے امیتانی نام مهرنگ اِنت