تمپ ءَ پوج ءِ آپریشن

تمپ ءَ پوج ءِ آپریشن

دی بلوچستان پوسٹ

رس اتگیں ھالانی رد ءَ تمپ ءِ دمگ کُنشکلات ءَ مروچی سھب ءَ پاکستانی پوج ءَ بیڑ برتگ ءُ میتگ ءَ مانریتکگ ءُ مھلوک ءِ لوگاں پَٹ ءُ ھند کنگ ءَ اِنت –

دمگی مردمانی رد ءَ میتگ ءِ ھواری ءَ مچکدگ ءُ جنگل ءَ ھم پوج مانریتکگ ءُ پَٹ ءُ ھنڈ کنگ ءَ اِنت تنی وھدی انگت ءَ پوج میتگ ءَ جاڑیگ اِنت –

ھالانی تہ ءَ گوشگ بیتگ کہ گوستگیں دو روچاں ھم پاکستانی لشکر ءِ زوراکی نزر آباد ءَ برجاہ اَنت –

دمگی مردمے ءَ گپ جنان ءَ گْوشت کہ پاکستانی پوج میتگانی تہ ءَ مانریچ ءُ زالبول ءُ چُکانی سر ءَ زوراکیانی ھواری ءَ لوگانی ساز ءُ ساماناں درگان درگان کنت ءُ مردماں بیھار دیگ ءَ اِنت –

زانگ بہ بیت بلوچستان ءِ جتائیں ھند ءُ دمگاں پاکستانی پوج ءِ زوراکی برجاہ اَنت ءُ سیاسی مردمانی گوشگ اِنت کہ پاکستانی پوج آپریشنانی وھداں لوگانی مڈی ءُ دگہ سامانانی دُزیانی پجیگ ءَ لوگ ءَ ساڑی مردماں بیگواہ کنگ ءُ لَٹ ءُ کُٹیاں کنگ ءَ اِنت –