زاھدان ءَ بمب تراکے ءَ یک مردمے بیران

زاھدان ءَ بمب تراکے ءَ یک مردمے بیران

دی بلوچستان پوسٹ

روکپتی بلوچستان ءِ بنجاھی شھر زاھدان ءِ سیمسری چیک پوسٹے ءِ نزیک ءَ چیر کرتگیں شوروانی تراک ءَ یک مردمے بیران بیتگ –

بیران بیتگیں مردم ءِ پجار ازیر ء ھبیب اللہ ءِ نام ءَ زانگ بیتگ –

دمگی مردمانی رد ءَ سستان بلوچستان ءِ بنجاھی شھر زاھدان ءَ ایرانی پوج ءِ کل کُرتگیں شورواں چَہ یک مردمے بیران بیتگ ءُ چریشی ءَ پد ایرانی لشکر ءَ تیرگواری کرتگ ءُ بیران بیتگیں مردم ءِ ھمراھی ءَ دگہ دو مردم ھم کُشگ بیتگ اَنت –

ھالانی تہ ءَ گوشگ بیگ ءَ اِنت کہ ایرانی لشکر ءَ بیران بیتگیں مردمانی جون چِست کرتگ ءُ نادراہ جاہ ءَ برتگ ءُ وتی گور ءَ داشتگ اَنت –

بیران بیتگیں مردم ءِ کھول ءُ مردماں ایرانی لشکر ءَ چَہ جون ءِ لوٹ کرتگ بلے سرکار ءَ تنی وھدی بیران بیتگیں مردمانی جون نداتگ اَنت –

دمگی اھوالکارانی رد ءَ ایرانی لشکر ءِ گوشگ اِنت کہ اے مردم پہ لشکر ءَ جنگ ءَ آیگ ءَ بیتگ اَنت کہ راہ ءَ کل کُرتگیں شوروانی زد ءَ اتکگ ءُ بیران بیتگ اَنت –

دومی نیمگ ءَ بیران بیتگیں مدم ءِ کھول ءِ گوشگ اِنت کہ مئے مردم ءَ ھچ گُل ءُ سیادی مردماں گوں سیادی نیست کہ راھگوزی روگ ءَ بیتگ اَنت ایرانی لشکر ءِ کَل کرتگیں شوروانی زد ءَ اتکگ ءُ بیران بیتگ اَنت –

آیاں ایرانی لشکر ءَ چَہ لوٹ کرتگ ءُ گْوشتگ کہ مئے جون ءَ بہ دنت بلے سرکار ءَ اے گپ پدر کرتگ کہ اے مردمانی سیادی ھما گلان اِنت کہ آ ایران ءِ لشکر ءِ بگیری ءَ جنگ کنگ ءَ اَنت –