روکپتی بلوچستان ءَ مولانا مھمد امین آسکانی ءِ دزنویس پہ آمدگساں

روکپتی بلوچستان ءَ مولانا مھمد امین آسکانی ءِ دزنویس پہ آمدگساں

دی بلوچستان پوسٹ

نیکراھی وانگجاہ انوارلھرّامین پشامگ سرباز ءِ سر استاد مولانا مھمد امین آسکانی ءِ دزنویس پہ ایرانی سرکار ءَ –

آئی ءَ گْوشت کہ واجہ ابراھیم رئیسی آمدگس ءِ کارمستر اِنت ءُ سرجمیں ڈیھے تہ ءَ ھما وڑ کہ سرپد بیت مولانا پزل الرھمان کوھی امام جمے پشامگ سیستان ءُ بلوچستان ءِ شھرستان سرباز پہ مدت شش ماہ بیت کہ آمدگسی پرمان ءَ مشھد بندیگ اِنت-

دیمترا آئی ءَ گْوشت کہ ھمے وڑ ءَ اشی ءِ ھمراہ ھاپز اسگر کوھی کہ زاھدان ءِ بندیگ جاہ ءَ بندیگ اِنت –

من وت گوں چند ءِ رھشون ءُ کماشاں گوں وتی میتگی ءَ باز رند ءَ پہ ھمشانی جیڑھے واستا آتک آں گند ءُ نند کُتگ گوں مزنیں رھشون ءُ مزن نامی ئیں مردماں ھما شھرے گپ ءُ ھبر کُتگ کہ کول اش دات
سد درسد ما شمئے مردماں آجو کن اِیں ھچ پکر مہ کن اِت ما ھما سَدّک بوت اِیں کہ مولانا گوں ھاپز ءَ آجو بیت اِنت –

بلے ھزار بژن ءُ ارمان کہ انگت ءَ بزاں بندیگ اَنت کہ چار ماہ تیوگ ءَ گوستگ مولانا ءُ ھاپز دوئیں گوں گوانکو ءِ ھبر کنگ ءَ وتی لوگ ءِ مردماں گوں زبھر اَنت-

آئی ءَ گْوشت کہ مولانا گوں وتی دین ءِ کاراں گوں دلگوش بوتگ کہ بلے لھتیں مردم گوش اِیت کہ مولانا گوں وتی ھمراھاں ملک ءِ بدلی واستا بند بہ بیت گھتر اِنت بلے ھدا گواہ اِنت کہ مولانا ھچ اے وڑ نہ اِنت بلکیں آیانی آجوئی ڈیھے مردمانی بزاں پُلّیں ایران ءِ دولت ءِ واستا شرتر اِنت-

زانگ بہ بیت مولانا پرلرھمان کوھی گوستگیں یک وھدے ءَ ایرانی پوج ءَ گپتگ ءُ بندیگ جاھاں برتگ ءُ بند کرتگ اَنت نیکراھی مردمانی لوٹ اِنت کہ مولانا زوت یلہ کنگ بہ بیت –