نیکشھر ءِ میتگ بیلپیئر انٹرنیٹ ءَ زبھر

نیکشھر ءِ میتگ بیلپیئر انٹرنیٹ ءَ زبھر

دی بلوچستان پوسٹ

سر بیتگین ھالانی رد ءَ روکپتی بلوچستان ءِ دمگ نیکشھر ءِ دمگ بیلپیر بیست ءُ یکمی کرن ءَ ھم انٹرنیٹی ھالاں زبھر اِنت –

دمگی مردماں گْوشت کہ بیلپیر یک آپ سریں میتگے اود ءَ لس مردمانی جھمندی ءَ ابید ھم اے آسراتیاں چَہ زبھر اِنت –

آیاں گْوشت کہ دمگ ءَ شش میتگ ھست اِنت کہ اود ءَ انٹرنیٹی ھال ھچ وڑ ءَ نیست اِنت اود ءِ مردم پہ انٹرنیٹی ھال کنگ ءَ دو دو مِل ءَ پادانی سپر گوازین اَنت ءُ وتی کارانی شر کنگ ءَ رو اَنت –

دمگی مردماں گْوشت کہ چیزُکے وھد ءَ پیسر وزیر ٹیکنالجی ءَ دمگ ءِ تر ءُ تاب کرتگ ءُ میتگانی تہ ءَ انٹرنیٹ ءِ پُجارینگ ءِ زبان کرتگ بلے شش ماہ گوزگ ءَ پد تنی وھدی دمگ ءِ تہ ءَ چوشین گام چِست بیگ ءَ گندگ نہ بیتگ اَنت –

آیاں گْوشت کہ جھان ءَ ھمک آسراتی سر کنگ بیتگ اَنت مروچی ءِ وھد ءَ ابید دامگی ھالانی نہ بوگ ٹوھیں جنجالانی دیمپانی یے –

آیاں گْوشت کہ دومی مئے اے وھد ءُ زمانگ ءَ وانگ ءُ زانگ انٹرنیٹ ءِ سر ءَ بوگ ءَ اِنت گڑا نودربر چون ءُ چتور دو مِل پادانی ءَ بُریت کن اَنت ءُ وتی وانگ ءُ زانگ ءَ دیمروی کرت کن اَنت –

آیاں لوٹ کرت ءُ گْوشت کہ مئے میتگاں دامگی ھال سر کنگ بہ بنت –