روکپتی بلوچستان ءِ دمگ نیکشھر ءَ کورونا ویروس ءَ گپتگیں مردمانی کَچ شست ءُ شش ءَ سر بیتگ اَنت

جانسلامتی ٹپاسکارانی رد ءَ نیکشھر ءَ ویروس گیش بیت کنت ءُ مردم باید وتی گِساں بہ نند اَنت –

دی بلوچستان پوسٹ

ڈاکٹر ھمایون ءَ گّوشت کہ ویروس ءَ نوک گپتگیں دوازدہ مردم نادراھی ءَ گورجتگ ءُ یک مردمے بیران بیتگ ءُ سرجمیں نادراھانی کَچ شست ءُ شش ءَ سر بیتگ اَنت –

آئی ءَ گوشت کہ آیوکیں روچاں ھمے گمان کنگ بیت کہ نادراھی گیش بیت کنت کہ شھر ءِ مردم وتی ھیال ءُ پھزگ ءَ بہ کن اَنت –

ڈاکٹر ھمایون ءَ گْوشت کہ مردم ابید زلورتیں کارے ءَ ڈن ءَ در مہ کپ اَنت ءُ مُچی ءُ مردم یکجاھی مہ کن اَنت ءُ وتی جان ءَ بہ رکین اَنت ءُ دگرانی جانپھزی ءَ ھم بہ کن اَنت –

آئی ءَ گوشت مھلوک سرکار ءِ گوشتگیں گپانی منوک بہ بنت ءُ دور دور بہ بنت ءُ ڈن ءَ درکپگ ءَ دپ بند ءَ دپ ءَ بہ کن اَنت ءُ دستیگ ھم کارمرد بہ کن اَنت