بی ایل ایف ءَ آواران ءَ چار فوجیانی کوش ءِ زمہ واری منّ اِتگ

بلوچستان لبریشن فرنٹ ءِ جارکش میجر گوھرام بلوچ ءَ ناشناسیں جاھے ءَ رسانکدراں شنگ کرتگیں وتی درشان ءِ تہ ءَ پاکستانی فوج ءِ چیک پوسٹ ءِ سر ءَ بیتگیں اُرش ءِ زمہ واری منّ اِتگ-

جارکش ءَ گْوشت کہ گوستگیں شپ ءَ ساھت نُہ ءَ سرمچاراں پیراندر زرانکولی ءَ آرمی ءِ چیک پوسٹ ءِ سر ءَ دو نیمگاں راکٹ ءُ مزنیں سلاھانی گون ءَ اُرش کرتگ، اے اُرش ءَ پاکستانی فوج ءِ چار کارمند ھما دمان ءَ مرتگ ءُ باز زدگ بیتگ –

آئی ءَ گْوشت کہ زیردستیں بلوچستان ءِ آجوئی ءَ داں زورگریں لشکر ءِ سر ءَ اُرش برجاہ مان اَنت –