دکی ءَ چَہ ورنایے ءِ جون دزکپتگ

بلوچستان ءِ دمگ دکی ءَ یک بیگواھیں ورنایے ءِ جون دزکپتگ –

دی بلوچستان پوسٹ

دمگی مردمانی رد ءَ عبدالمجید ء عبدالحمید ترہ کئی دو روچ ءَ پیسر دکی ءَ آوار جنگ بیتگ کہ آئی ءِ جون مروچی دکی ءِ دمگ سلیزئی ءَ دزکپتگ –

ورناھے آوار جنگ ءُ کوش ءِ سوب تنی وھدی زانگ نہ بیتگ ءُ کھول ءِ گْوشگ اِنت مارا کَسے ءِ گون ءَ دشمنی نیست اِنت –

دمگدار ءِ نیمگ ءَ ھم تنی وھدی اے ھال ءِ پدراھی نہ بیتگ –

زانگ بہ بیت بلوچستان ءَ مردمانی بیگواہ کنگ ءُ پدا آیانی جونانی دور دیگ ءِ بھتام پاکستانی پوج ءُ چیریں ترامگیج آئی ایس آئی ءُ ایم آئی ءُ آیانی داشتگیں ڈیتھ اسکواڈانی سرا لڈگ بیت ۔

بیگواھیں بلوچانی آجوئی ءِ ھاترءَ کار کنوکیں گل وائس فار بلوچ مسنگ پرسنز ءِ ردءَ داں اے وھدءَ چِل ھزار ءَ بُرز مردم بیگواہ اَنت ءُ ھزارانی ھساب ءَ بیگواھیں مردمانی ٹپی ایں جون دور دیگ ھم بیتگ اَنت۔