شال ءَ کورونا ءِ شکی ءَ شیخ زید نادراہ جاہ ءَ یک جیلی بیران
دی بلوچستان پوسٹ
شال ءَ ڈسٹرکٹ جیل ءَ یک جیلی ءِ شیخ زید نادراہ جاہ ءَ بیران بیتگ، جیلی کورونا وائرس ءِ شکی ءَ شیخ زید نادراہ جاہ ءَ برگ بیتگ –
جیلی ءِ بیران بیگ ءَ پد جیلیانی کورونا ٹیسٹ بندات کنگ بیتگ اَنت ءُ یک اسسٹنٹ سپرنٹنڈنٹے ءَ کورونا ءِ نادراھی ءِ گورجنی بیتگ –
جیل ءِ واکدار ءِ رد ءَ تارک مسئود وش وش نہ بیتگ ءُ کورونا ءِ شکی ءَ شیخ زید نادراہ جاہ ءَ برتگ – جیلی ءِ کورونا ءَ چَہ بیرانی بارو ءَ تچکیں رپورٹ انگت نیتکگ اَنت –
جیلی تارک مسئود چیک ڈس انر ءِ بوَگ ءِ کیس ءَ جیل بیتگ –
جیل ءِ واکدار ءِ رد ءَ جیلی ءِ بیران بیگ ءَ پد آئی ءِ ھمراہ پانزدہ جیلی، جیل آفسر ءُ وارڈن ءِ کورونا ٹیسٹ کنگ بیتگ اَنت، جیل ءِ یک اسسٹنٹ سپرنٹنڈنٹے ءَ کورونا وائرس ءِ نادراھی ءِ گرگ ءَ آئی ءَ وت ءَ وتی لوگ ءَ ڈبیتگ –