نبشتانک :سنگت شاری ءَ کینسر اِنت
نبشتہ کار : شُپانک بلوچ
پنچمی بھر
دی بلوچستان پوسٹ
روچ ایرنندگ ءَ اَت رولھ ءِ زرد ءُ زھیپیں برمش کوھانی ندارگ ءَ مَٹ کنان اَت اَنت ما سنگت یک دومیگ ءَ گوں مسکرائی ءُ کندگ ءَ مُشکول ءُ دلگوش اَت ایں ءُ آس روک اَت درستیں سنگتاں وتی وتی جاه گپتگ اَت اَنت لهتے آپ دست ءَ شتگ ءَ لهتے وتی ساماناں سهڑینگ ءَ اَت من گوشت شِکان ءَ جتگ اَت کہ آس ءَ ایر اِش کن آں سوت ءِ هم پِر کتگ اَت.
مروچی گوں ساربان ءَ دلجمیں گِند ءُ نندے بوگ ءَ اَت کہ همے دمان ءَ استاد ءِ گوانکو ءَ توار کت ءُ گپ ءَ لگ ایت !
استاد ءَ گوانکو اَنچو بند کت گُشت ئِے شپانک ساجو بو سنگتاں توار لھتیں سنگت بیا اِت دیم ءَ ٹولی یے دژمن ءِ اَنگر ءَ کپتگ بے وار اِنت دژمن کمو زور اِنت سنگتانی سامان ھم هلاس بوگ ءَ اَنت سنگت شمارا اَلم چہ دژمن ءِ انگر ءَ درکنگی اَنت.
جاه هم دور اِنت
میرک ءَ گوانک جن
من! میرک او میرک هیلانک بو جنزگی اِنت !
ما اَتک ایں رپتار بستاں دیم ءِ سنگت روان بوت ایں، استاد ءَ گُشت تو ءُ میرک یکیں پرپٹ ءَ سوار بِہ بہ اِت بلّے زوت کن اِت کہ سنگت سک بے وار اَنت ،ما گڑا گیشیں گپ نہ کت وتی سپار بستاں رمے دنز ءَ دیم ءِ ڈک ءَ ایر کپان دیم پہ ریک ءَ درشتاں آ سنگتانی دنز گندگ ءَ پیداک اَت اَنت، میرو سگریٹے بُن دات کندگ ءَ لگ ات ءُ گُشت ئِے یار من انگت وپتگاں تو مرچی مر باریں چونیں سپرے بیت؟
من گشت یار پریشان مہ بو اِن شاءالله زوت واتر بِہ ایں ما گڑا کندگ مسکرائی پرپٹ هیلانک دیاں کت داں مگربے بانگ ءَ سنگت نزیک کت اَنت میرک کند ات گُشت شپانک دنز اِنت یار
بلاهیں سامانے ککککک سنگتاں آدگہ وتی جاه گپتگ اَت اَنت دیم ءَ مارا چہ ساری اتکگ ات اَنت تیر اَنچو نزیک ءَ کپگ ءَ اَت اَنت ما سینکل دور دات سنگتان توار پرجت کہ ما دژمن پْروش داتگ بس کمو پشکپتگ بیا اِت دیم ءَ میرک گوں تَگاں دیم ءَ روگ ءَ اَت همے دمان ءَ ما ھم جنگجاہ ءَ سنیپ داشتگ ءَ داں سنگت یک یک ءَ دَر کنان کت اَنت دیم ءَ آیان ءَ گڑا همے دامان ءَ زانگ نہ بوت میرو در اتک آ سنگتے هیال گور نہ ات کوار ءَ مین داشتگیں سنگر ءَ رسترے زُنڈیتگ ایشی جت کوانکے میرو ءِ جند سلامت ءَ بلّے پاد ءَ تیر ءَ ئِے وارت، من اَنچو ھمانگو جت رکبارے میرو دَر کت دیم پہ موتر ءَ سنگت کش اِت اَنت
میرک گشت من ڈَڈّ آں یا الله سنگتاں شپ بے وهد بوگ ءَ اِنت دیم پہ ساربان ءَ روگی اِنت.
گڑا ما رپت ایں گیشیں ھون ءِ رِچگ ءَ میرو کمو کمزور ات گُشت ئِے شپانک یارو منی دل تُسگ ءَ اِنت کمو وش وش برو هههه کندگ ءَ لگ ایت بزان تیز برو
گڑا من شَت کَشاں کت داں ساجی ءِ میان رس ات ایں، استاد ءَ سوبین بوگ ءِ هال رس اتگ اَت بلے
روان اِنت
دی بلوچستان پوسٹ: اے نبشتانک ءِ تہا درشان کُتگیں ھیال ءُ لیکہ نبشتہ کار ئے جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔