کیچ ءُ آواران ءَ ھپت فوجیانی کوش ءِ زمہ واری بی ایل ایف ءَ منّ اِتگ اَنت

کیچ ءُ آواران ءَ ھپت فوجیانی کوش ءِ زمہ واری بی ایل ایف ءَ منّ اِتگ اَنت

دی بلوچستان پوسٹ

بلوچستان لبریشن فرنٹ ءِ جارکش میجر گوھرام بلوچ ءَ کیچ ءُ آواران ءَ پاکستانی فوج ءِ ھپت کارمندانی کوش ءِ زمہ واری منّ اِتگ –

میجر گوھرام بلوچ ءَ ناشناسیں جاھے ءَ گپ کنان ءَ گْوشت کہ شمبے ءِ بیگاہ ءِ ساھت شش ءَ سرمچاراں آواران ءِ دمگ جائو اتا مھمد بازار ءَ ھستیں لشکری بنجل ءُ آئی ءِ پانگسانی سر ءَ راکٹ ءُ وتکاریں سلاھانی گون ءَ اُرش کرتگ، چرے اُرش ءَ شش فوجی کارمند مرتگ ءُ باز زدگ کرتگ اَنت –

میجر گوھرام بلوچ ءَ دیمترا گْوشت کہ کیچ ءِ دمگ دشت ءَ نوکیں راہ ءَ فوجی پانگس ءِ سر ءَ اُرش کرتگ ءُ یک کارمندے کُشتگ اے اُرش ءِ تامر ھم جوڑ کرتگ ءُ زوت رسانکدراں شنگ کنگ بیت اِنت –

آئی ءَ گْوشت کہ زیردستیں بلوچستان ءِ آجوئی ءَ داں زورگریں لشکر ءِ سر ءَ اُرش برجاہ مان اَنت –