جتائیں جاھاں تیرگواری سَے کَس بیران

سر بیتگیں ھالانی رد ءَ گوادر ءَ جناح ایونیو دگ ءَ الائیڈ بینک ءِ نزیک ءَ ناشناسیں سلاہ بندیں مردمانی تیرگواری ءَ چَہ دو مردم بیران بیتگ –

تیرگواری ءَ چَہ ناگمان وارڈ گوادر ءِ جھمنند دلمراد ء میا ھما دمان ءَ بیران بیتگ ءُ درمھمد ء مھمد ھسین پنام ءِ درو سک زدگ بیتگ ءُ چریشی ءَ پد آ جی ڈی ھسپتال ءَ برگ بیتگ ءُ اود ءَ آئی ءَ ساہ داتگ اَنت –

درمھمد ٹوباگ گوادر ءِ جھمنند اِنت ءُ تیرگواری ءِ سوب زانگ نہ بیتگ –

ھمے وڑ ءَ گوستگیں روچ ءَ چاگی امین آباد ءَ ناشناسیں سلاہ بندیں مردمانی تیرگواری ءَ ناسر مری بیران بیتگ-

لیویز ءِ رد ءَ ناسر وتی زمینانی سر ءَ کُشگ بیتگ ءُ کھول ءِ گوشگ اِنت مارا کسے ءِ گون ءَ دشمنی نیست اِنت –