روکپتی بلوچستان ءَ بندیگانی کوچ ءِ سر ءَ اُرش، سَے بندیگ تچگ ءَ سوبین

هرمزگان ءِ اُستان میناب ءِ شھر ءَ بندیانی کوچ ءِ سر ءَ ناشناسیں سلاہ بندیں مردماں اُرش کرتگ چریشی ءَ چَہ کوچ ءَ سواریں سَے بندیگ تتکگ ءُ شُتگ اَنت –

روکپتی بلوچستان ءِ وتگوش شنگ جاہ ءَ اے ھال شنگ بیتگ میناب ءِ بندیانی کوچ ءِ سر ءَ ناشناسیں سلاہ بنداں اُرش کرتگ ءُ لھتیں بندی تچگ ءَ سوبیں بوتگ اَنت شنگاجاہ ءِ رد ءَ بندیانی تہ ءَ پاھو ءِ جرمکار ھم ھوار بیتگ اَنت –

شنگجاہ ءِ ترامکار ءَ گْوشت کہ کہ بلوچ ءِ فعالین ءِ کمپین ءَ هال رس اِتگ ، ۹۹ ءِ سال ءَ هرداد ءِ ماه ءِ رمس ءَ دو بندی کہ آیانی پاهو دیگ آمیدگس ءَ شور داتگ ءُ آیانی نام ایسپ هیرواه ءُ اکبر هیرواه بوتگ انت ، اے ھردوک تتکگیناں ھوار اَنت –

پہ هال ، 99 ءِ سال ءِ هرداد ءِ دهمی روچ ءَ سلاهداریں مردماں گوں سے 405 پژوئیں گاڑی ءَ بندیانی گاڑی کہ اچ میناب ءِ آمیدگس ءَ در بوتگ اَنت اُرش کنگ بیتگ –

دمگی مردمانی رد ءَ گوں اُرش کنوکاں کوچ ءِ سر ءَ تیرگواری بنگیج کرتگ ءُ کوچ اوشتارینتگ ءُ کوچ ءِ نگپھانیں سَے کس ءَ ھم تیر وارتگ ءُ سلاہ بندیں مردماں ھرسھیں مردم تاچینتگ اَنت

تتکگیگانی تہ ءَ آ دوئیں ایسپ هیرواه ءُ اکبر هیرواه اَنت کہ کھنوج ءِ نندوک اَنت
ایسپ هیرواه ءَ نشھی دوا دے زیر کتگ ءُ همے سوب ءَ آمیدگس ءَ پاهو ءِ هکم داتگ –
آئی ءَ ماں 98 ءِ نوزدهمی روچ ءِ رمس ءَ گوں سلابندیں مردماں نشھی درمان گون بوتگ ءُ دزگیر کنگ بوتگ –

هالانی تہ ءَ گوشگ بیتگ ایسپ هیرواه ءَ سروان هجت اللہ دشتبانی نامے مردمے ھم کُشتگ –

ھمے وڑ ءَ کہ مُلکی مردماں اے ویل ءِ باره ءَ گیشتر گْوشت اے سلاہ بندیں بندیگانی تاچینگ ءَ رند وتی راه ءِ سر ءَ گوں جاپر آباد ءِ پٹّ ءُ پاسی ءِ سپاهیاں هم مِڑ داتگ ءُ آسر ءَ پازگاه ءِ گاڑی ءِ سر ءَ اُرش اِش کتگ ءُ گاڑی ءِ انجن اِش تیرگواری کتگ ءُ گاڑی اِش اوشتائینتگ ءُ بندی سوبین بوتگ اَنت کہ بہ تچ اَنت-