روکپتی بلوچستان ءَ کورونا نادراھی روچ پہ روچ گیش بیان اِنت

زاھدان یونیورسٹی آف میڈیکل سائنس ءِ واکداراں گْوشتگ کہ بلوچستان ءُ سیستان ءِ نادراہ جاھاں روچ پہ روچ نادراھانی کَچ گیش بیان اِنت –

یونیورسٹی ءِ شاھزانتاں گْوشت کہ بلوچستان ءِ گیشتریں نادراہ ڈنی اَنت کہ بلوچستان ءَ اتکگ ءُ چریشی ءَ چَہ نادراھانی کَچ گیش بیتگ –

آئی ءَ گْوشت کہ روکپتی بلوچستان ءِ گوریچانی دمگاں نادراھانی کَچ گیش بیگ ءِ سوب ءَ دمگانی جانسلامتی ءِ جاور روچ پہ روچ نگیگ بیان اَنت –

مھمد گاشمی شاھراھگی ءَ گْوشت کہ گوستگیں بیست ءُ چار ادارانی تہ ءَ ھپتاد ءُ ھشت دگہ مردم کورونا وائرس ءَ گورجتگ اَنت –

ھمے وھد ءَ یونیورسٹی آف میڈیکل ءِ ڈپٹی ڈائریکٹر ٹریٹمنٹ ءَ گْوشت کہ نادراھاں پیسر ءَ کورونا ءِ نادراہ مان بیتگ ءُ چریشی ءَ نوکیں نادراھانی سوب ءَ نادراہ جاہ گیشتر پُر بیگ ءَ اَنت –

کاسم میری الی آبادی ءَ گْوشت کہ کورونا وائرس ھما نادراھیانی تہ ءَ گون اِنت کہ مردماں گپت ءُ کُوش اِیت اگاں نادراھانی کَچ گیش بیت گڑا بزانکہ بیرانیانی کَچ گم گیش بیت کنت-

آئی ءَ گْوشت کہ تنی وھدی اے نادراھی ءِ چوشیں درمانے دز نہ کپتگ ءُ ایشی ءِ مستریں درمان ھمیش اِنت کہ یک ءِ دومی ءَ چَہ گیستا بیگ ءُ بیدے اژدری ءِ کاراں ڈن ءَ نہ کپگ اِنت کہ ایشی ءِ مستریں پھریز اِنت –

تبزانت ءِ پزشگی دزاپ زاھدان ءِ شاھدربرجاھے واکداراں گْوشت کہ بازیں مردماں گْوشتگ اے نادراھی ءَ گرم نیزور کنت بلے گرم ءَ نیزور بیت نہ کنت ایشی ءِ یکیں پھریزگ ءِ راہ اِنت دور دوری اِنت –