نبشتانک: شھمیریں بچ شھید دلجان
نبشتہ کار:میرک بلوچ
دی بلوچستان پوسٹ
مند ءِ هاک ءَ ودی بیتگیں اے شهمیریں پسگ کہ شهید دلجان ءِ نام ءَ زانگ بیت آ مرچی تیوکیں بلوچستان ءِ بچ زانگ بیت.
آئی ءِ نام دلوش بیتگ پنام دلجان آریپیں پت ءِ نام رهمت الله پمیشکا دلجان ءَ وتی بچ ءِ نام هم رهمت الله ایر کتگ.
آ 1978 ءَ مند ءِ میتگ ڈلسر ءَ ودی بیتگ
1991 ءَ میڑک ءِ چکاس ءَ مند ءِ شهدربرجاه ءَ سوبین کنت ،دوهزار ءِ دهک ءَ کہ یکبرے پد ءَ راجی جد ءُ جهد بنگیج بیت آ گوں وتی کومی سلاه بندیں گل بی ایل ایپ ءَ 2001 ءَ هوار کپ اِیت اے دمگاں آ چہ بی ایل ایپ ءِ بنگیجی سرمچاراں چہ یکے زانگ بیت
شهید دلوشّ ءَ مزنیں ڈگری نہ گیپتگ،سیاسی گلاں گوں آئی ءَ نزیکی نہ بیتگ، بلے مستریں ڈگری بکول ڈاکٹر الله نزر ساهب ءَ وتی ننگ ءِ گیرت ءِ بلوچیت ءِ زانگ انت.
شهید دلوشّ ءَ همے ڈگری گون بیتگ یک بلوچے بیتگ آئی ءَ وتی لج ءُ زمین ءِ پهازگ زانتگ آئی ءَ زانتگ من بلوچ پرزندے آں منی زمین، منی ننگ ءُ ناموس پنجاپی لشکر ءَ هوار جَتَگ انت
پمیشکا آ اے گلامی ءِ سانکلانی پروشگ ءِ هاتر ءَ مزاهمت ءِ راه ءَ گچین کنت.
آ زمانگ ءَ کس ءَ گمان نہ کتگ کہ اے پٹکیں لاگریں بالاد نمیرانیں کرد ءِ هدابند بیت
پمیشکا زانتکار گش “اَنت انسان ءَ کرد نمیران کنت زات ءُ ٹک میری ءُ متبری کس ءَ نمیران کت نہ کن انت”
شهید دلوشّ شهید ڈاکٹر هالد ءِ سکیں نزیکیں سنگتاں چہ یکے زانگ بیت بلکیں آئی ءِ سرکل ءِ مردم بیتگ
اے وهدی کہ ڈاکٹر استاد واهد کمبر ماں مزن بند ءَ گرگ بیت ،شهید دلوشّ ءُ هالد تهنا بنت بازیں سنگتے گار بیت ،بلے دشمن ءِ چمانی واباں هرام کن انت، کس ءَ گمان نہ کنت کہ اِے دوئیں مرد چو بیرگریں بالاچ ءَ کاینت چو بشّامی جڑ ءَ مند ءِ کیمپ ءَ تیر باران کن انت.
همے هاتر ءَ کرنل برکی سک تنگ ءُ بیم آماچ بیت وتی زرهریدیں دلاراں گش ایت هرچی بیت هالد ءُ دلجان ءِ هال ءَ بیار اِت.
اے وهدی شهید هالد ءُ دلجان کوهاں یل دے اَنت کہ سنگت ءُ کیمپ نہ بیت آ سورآپ ءِ مزنیں کلیر ءُ کهیراں وتی بنجل جوڑ کن انت همک روچ چہ همد ءَ وتی ارشاں برجاه دار انت.
گش اَنت اگاں اے راجی سرمتاب وتی براتاں پہ هرامیں چانوگِے پنجابی پرهونی لشکر ءِ دست ءَ تاوان مہ داتین اَنت
بلوچستان ءِ آجوئی ءَ بس اِت اَنت ،داں شش سال ءَ شهید دلوشّ گوں بهادری ءَ بی ایل ایپ ءِ پتر ءَ کار کنت
2007 ءَ هشت اگست ءَ دیم سیاه وتی دیم ءَ سیاه کن انت سوراپ ءِ کلیراں دشمن ءَ بر انت ءُ پیش دار انت.
شهید هالد ءُ دلجان مدام ءِ وڑ ءَ دوئیں لاگریں بالاد داں دیر ءَ دشمن ءِ مزنیں لشکر ءِ دیم ءَ جنگ دے اَنت،بازیں کلاکاں جنگ برجاه بیت داں گڈسر ءَ تیر اش هلاس بنت
اشکنگ ءَ همے پنجاپی کرنل اپسوز کنت کہ اے دو مردم بیتگ انت ما گوشتگ لشکرے ءِ گوں ما جنگ ءَ ایں.
سنگتے گش ایت ما لاش دیستگ تیر اش سینگ ءَ وارتگ انت
اے گوریلا جنگولانی راهبند انت کہ آ دشمن ءَ پشت نہ دنت تیراں سینگ ءَ وارت ءُ راجدپترے جوڑ کنت.
شهید هالد ءُ دلجان ءِ کاروان جنزان انت آیانی پکر زندگ انت انگت بو آتارگ ءَ اَنت.
برات هما انت کہ مرتگ انت براتانی رم ءَ چو رستم ءَ جھان ءَ مان ایت.
دی بلوچستان پوسٹ: اے نبشتانک ءِ تہا درشان کُتگیں ھیال ءُ لیکہ نبشتہ کار ئے جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت