آزمانک : من ءُ ھُدا
نبشتہ کار بلوچ ھسین
دوشی ھُدا منی واب ءَ آتکگ ءُ من ءَ گوشت ئِے من آجو بیگ لوٹ آں! من وَ ھیران ءُ ھبکّہ بوت آں کہ اے مرد چی ءَ چوش گوشگ ءَ اِنت!
گُڑا من درائینت ” تو وَ جھان ءِ ھُدا ئے ءُ ملایاں مئے گوش کَرّ کُتگ انت کہ تو چہ درستیں چیزاں آجو ئے، پاک ءُ ساپ ئے، ناں ترا واب کیت ءُ نیکہ ترا سیکس ءِ وازمند ئے ءُ نیکہ ترا “ٹائیپائیڈ” “ایڈز” ملیریا” یے واڑیں نادراھی یے تکانسر کُت کنت”.
مئے مسیت ءِ مُلا واجہ اُمر اے گپ ءَ ھم جَنت کہ گیدی ءِ زورآور (سپر پاور) امریکہ نہ اِنت بلکیں سپر پاور تو ئے۔ من وَ ھمے ارادہ کُتگ کہ تئی کرّ کایان ءُ کورونا ویروس ءِ جیڑہ ءَھال کن ایں۔ بلے ترا شاباش انت
ھما انت کہ رمزان شریپ بندات بیتگ من چہ مسیت ءَ در نیا آں چہ تئی نپل ءُ نمازاں سر ءَ چست نہ کن آں۔
بلے تو چَہ وت ءَ بیزار ئے منی کرّ ءَ آتکگ ئے کہ من آجو بیگ لوٹ آں چوش مہ کن ھُدا ما اے تیوگیں مسلمان وَ تئی اوست ءَ نشتگ ایں۔ ایشی ءِ توک ءَ وَ کس اڈ کنوکیں مجگ مان نیست تو وَ شَرتر زان ئے کہ اے مسلمان وَ تئی بکشتگیں نیکراھی ءَ نابود کُتگ اَنت “پیناڈول” گولی یے ھم جوڑ کُت نہ کن انت
ایشاں پد ءَ تئی سر ءَ انچوش ستک ءُ اوست کہ آ گپ ھم نہ بیت، اے پہ کورونا ءِ ھلاج ءَ لوگانی سر ءَ بانگ دیگ ءَ اَنت بلکیں تو رھم بکن ئے بلے تئی یک نامداریں گپے ھست تو گوشتگ کہ من ھما راج ءِ جاوراں بدل نہ کن آں داں آ وتی جاوراں وت بدل کنگ ءِ جُھد ءَ مہ کنت گڑا واجہ ھُدا اے راج جُھد ءِ راجے وَ نہ اِنت تو شَتر ئِے زان ئے۔
اگاں مسلمان چہ ترا دل پروش بوت انت گُڑا آیوکیں گچینکاری ءَ ترا کمک نہ کن اَنت تئی گل (پارٹی) یلہ دے اَنت پہ تو باز مشکل جوڑ بیت۔ ترا پد ءَ دگہ یک لک ءُ بسیت ءُ چار ھزار ربال (پیگمبر) جوڑ کنگ بیت بلے نی شر تر ھمیش انت کہ تو سھی من سھی بس تو انچوش سیاست بکن۔
اے نابودیں راجے ترا باور بیت کہ تو اے ملایاں، چوناھا تئی ھاسیں ھزمتکار اَنت بلکیں تئی کارے آسان کن انت!! اے وت ماں وت ءَ بھر بھر اَنت اھل سنت ،شیئہ ، سنی ، وھابی دیگہ باز انچیں تبکے ھست انت اش۔ وت ماں وت کشت ءُ کوشاں تو وَ”انگلینڈ ” ءِ وڑ ءَ ،،ڈیوڈ اینڈ رول،، کُتگ نوں ھکمرنی بکن۔
15 May 2020
شال بلوچستان
دی بلوچستان پوسٹ: اے نبشتانک ءِ تہا درشان کُتگیں ھیال ءُ لیکہ نبشتہ کار ئے جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔