شال: بیگواھیں مردمانی درگیجگ ءَ زھرشانی برجاہ

دی بلوچستان پوسٹ

بلوچستان ءِ بنجاھی شھر شال ءَ وائس فار بلوچ مسنگ پرسنز ءِ زھرشانی بنجل ءَ 3ھزار 9 سد ءُ پنجاہ ءُ ھپت روچ سرجم بیتگ- کچلاک ءَ چَہ سردار مھمد کسان کمک سرکماش ٹیچر ایسوسی ایشن ءُ آئی ءِ ھمراھاں بنجل ءِ تر ءُ تاب کرتگ ءُ کھولانی گون ءَ پدردی درشانیتگ –

وی بی ایم پی ءِ رھشون ماما قدیر بلوچ ءَ اتکگیں مردمانی گون ءَ گپ کنان ءَ گْوشت کہ گلامی انسانیت ءِ رزوا کنوکیں شَے ئِے – ما گلامی ءِ ھلاپ ءَ جد ءُ جھد کنگ ءَ ایں، مئے دشمن ءَ گوں دست ما دست بیگ نادانی یے، چشکہ اگاں کجا یا ارداس ھما انسانیت ءِ ٹاہ دیوکیں گلانیں چَہ –

آئی ءَ گْوشت کہ مروچی بیگواہ ءُ لٹ شاپ کرتگیں جون گیش بیان اَنت گڑا ایشی ءِ راستیں سبب ءُ زمہ وار زوراور ءُ بلوچ راج ءِ دشمن اِنت چو کہ انسانیت ءِ ھم دشمن اِنت بلئے انسانیت ےِ نام ءِ جوڑ بیوکیں گلانی بے تواری ءِ سبب ءَ چَہ ھم بے جست ءُ پرس ءَ بے کانود ءَ مئے کُشت ءُ کوش بیگ ءَ اَنت –

آئی ءَ دیمتر ءَ گْوشت کہ مارا اوست اِنت کہ دنیا ءَ انسانیت ءِ ھدمت گارانی بنھشت ھست اِنت چُشکہ درد ھم دار اَنت، چریشاں چَہ ما ارداس کُرت کن ایں آ مئے انسانی ھکانی بارو ءَ چِست بیتگیں توار ءَ گوں ھمتوار بہ بنت –

ماما قدیر بلوچ ءَ گْوشت کہ انسانی ھکانی سر ءَ جوڑ بیتگیں گلانی گون ءُ مارا گِلو ھست اِنت کہ آ پرچا مئے گون ءَ بیوکیں زُلمانی نیمگ ءَ نہ چار اَنت – آ وت وتی گلانی رھبنداں ھواریں مسامانی پاسداری ءَ نہ کن اَنت