ٹکی رھشون گوستگیں شپ ءَ لوگ ءَ چَہ دزگیر کنگ بیتگ

بلوچستان ءِ دمگ قلعہ عبداللہ ءَ ٹکی رھشون ءِ دزگیری ءِ ھلاپ ءَ زھرشانی کنگ بیتگ ءُ شال ءُ چمن ءِ بنجاھی شھدگ بند کنگ بیتگ – شھدگ ءِ بند بیگ ءِ سبب ءَ کسان ءُ مزنیں گاڑیانی دراجیں کتار لین لگ اِتگ –

انتزامیہ ءَ گوستگیں شپ ءَ کاکوزئی ٹک ءِ سروک ھاجی زرداد شپ ءِ بے وھد ءَ لوگ ءَ چَہ دزگیر کرتگ ءُ برتگ –

زھرشانی کنوکانی گوشگ اِنت انتزامیہ ءَ چادر ءُ چاردیواری لگتمال کرتگ اَنت ءُ کماشیں رھشون دزگیر کرتگ – آیاں لوٹ کُرت کہ انتزامیہ ھاجی زرداد کاکوزئی ءِ ھلاپ ءَ نبشتگ کرتگیں اَرزی (ایف آئی آر) ءَ واتر بہ زوریت –

شھدگ ءِ بندش ءِ سبب ءَ نیٹو ٹرالرز ھم جَلیتگ اَنت بلے گُڈی ھالانی تہ ءَ تنی وھدی انتزامیہ ءِ ھچ وڑیں گامگیج دیم ءَ نیاتکگ –