طالبان کُشت ءُ کوشاں دست داری نہ اِنت، نِی پھریزگ ءَ ابید آئی ءِ سر ءَ اُرش کنگ بیت، اشرف غنی

اوگستان ءِ سروک اشرپ گنی ءَ دارلھکومت کابل ءَ چار بمب تراکانی بیگ ءَ پد ڈیھے پھازوکیً لشکر ءَ را گْوشت ئِے کہ آ طالبان ءِ بگیری ءَ وتی پھریزگ ءَ ابید اُرش بہ کن اَنت –

اشرپ گنی ءَ راج ءَ گوں گپ کنان ءَ گْوشت کہ طالبان ءَ جنگ بندی ءِ نہ منّگ ءَ وتی اُرش برجاہ کرتگ اَنت –

اوگستان ءِ سروک ءَ گْوشت طالبان کُشت ءُ کوشاں دزداری ءَ نہ اِنت –

سرکاری رسانکدر آر ٹی اے ءَ ٹویٹر ءَ شنگ بیتگیں یک ٹویٹے ءِ رد ءَ اشرپ گنی ءَ گْوشتگ مہ ڈیھے پھازوکیں لشکر ءَ را ھکم پرمان کنگ بیتگ آ دشمن ءِ ھلاپ ءَ پھریزگ ءَ ابید آئی ءَ پیش جن بہ کن اَنت –

اوگستان ءِ سروک ءِ نیمگ ءَ شنگ بیتگیں درشان ءَ گْوشگ بیتگ کہ اوگستان ءِ بنجاھی راجدانی کابل ءَ بیوکیں سلسلوئیں اُرشاں پد دیم ءَ اتکگ –

سَے شمبے ءَ کابل ءَ یک سلاہ بندیں اُرشکارے ءَ شیر مِچیں چُکانی نادراہ جاہ ءَ اُرش ءِ آسر ءَ چاردہ مردم بیران بیتگ اَنت –

اے اُرش ءِ آسر ءَ بیران بیتگیں مردمانی تہ ءَ نرسز ءُ تپلیں زھگ ھوار اَنت –

دومی نیمگ ءَ اُستان ننگرھار ءَ یک جنازے ءِ سر ءَ بیتگیں وتکُش تراکے ءِ آسر ءَ بازیں کَچے ءَ مردم کُشگ بیتگ اَنت –

اے درگت ءَ اوگستان ءِ سروک اشرپ گنی ءَ گْوشت کہ مروچی ھم طالبان ءُ دائش ءِ نیمگ ءَ کابل ءِ نادراہ جاہ ءُ ننگرھار ءِ جنازہ ءِ ھمراھی ءَ ڈیھے دگہ جاھاں اُرش کنگ بیتگ اَنت

چریشی ءَ چہ پیسر دوشمبے ءَ نود منٹ ءَ چَہ کمتر وھد ءَ چار تراک بیتگ –