دمگی مردمانی رد ءَ بیران بیتگیں مردمانی سیادی روکپتی بلوچستان ءَ اِنت –
ٹی بی پی ءَ سر بیتگیں ھالانی رد ءَ بلوچستان ءِ دمگ کیچ ءِ ھند تمپ آپسی کھن ءَ پاکستانی لشکر ءَ تیرگواری کرتگ ءُ پیٹرول ءُ ڈیزل ءِ باپاری کنوکیں شش مردم کُشتگ –
دمگی مردمے ءَ دی بلوچستان پوسٹ ءَ گوں گْوشت کہ لشکر ءِ دست ءَ کُشگ بیتگیں سرجمیں مردمانی سیادی روکپتی بلوچستان اِنت کہ سیمسری دمگ ءَ تیل ءِ باپاری کنگ ءَ بیتگ اَنت –
تنی وھدی لشکر ءِ دست ءَ کُشتگیں مردمانی پجار نہ بیتگ
زانگ بہ بیت گوستگیں روچ ءَ کیچ ءَ پاکستانی لشکر ءِ سر ءَ سلاہ بندیں مردمانی اُرش ءَ یک آپسرے ءَ ھوار شش کارندھانی مِرگ ءَ پد جتائیں جاھاں سَربرزی تیرگواری ءُ بیڑی بندات کرتگ اَنت –
نوکتریں ھالانی رد ءَ تگران ءَ ھم پاکستانی لشکر ءَ بیڑ برتگ ءُ بازیں مردمے دزگیر کرتگ ءُ گوں وت برتگ –