رس اِتگیں ھالانی رد ءَ گوادر ءِ دمگ جیمڑی پانوان ءَ پاکستانی لشکر ءَ پیر مھمد ءِ لوگ انگیر ءَ کرتگ ءُ جنین ءُ چکانی لٹ شاپ کنگ ءِ پجیگ ءَ یک مردمے آوار جتگ ءُ برتگ –
آوار جنگ بیتگیں مردمے پجار یاسر ء پیر مھمد ءِ نام ءَ چَہ بیتگ –
بلوچستان ءِ جتائیں جاھاں لشکر ءِ لشکر کشی برجاہ اَنت ھزارانی کساس ءَ مردم گار ءُ بیگواہ اَنت –
زانگ بہ بیت گوستگیں روچ ءَ گنز ءَ بہ گر تاں پیشکان ءِ دگ ءَ جاہ جاہ ءَ پاکستان ءُ چین ءِ ھمسنتیں سی پیک ءِ بگیری نبشتگ کنگ بیتگ
دمگی مردمانی رد ءَ دزنوشتانی کنگ ءَ پد دمگ ءَ پاکستانی لشکر ءِ زوراکیانی تہ ءَ گیشی اتکگ ءُ ھمک روچ لشکر مردماں لٹ شاپ کنگ ءَ اِنت ءُ داں انیگ ءَ بازیں مردمے دزگیری ءَ پد بیگواہ بیتگ اَنت