کلات ءَ لشکر ءِ گون ءَ جنگ ءُ چوپ ءَ شھید بیتگیں سرمچاراں دروت، بی ایل اے

بلوچ لبریشن آرمی ءِ جارکش جئیند بلوچ ءَ رسانکدراں وتی شنگ کرتگیں درشان ءِ تھا گُشتگ کہ گوستگیں روچ ءَ کلات ءُ ھاران ءِ میانی دمگ شور پارود ءَ بی اِل اے ءَ پاکستانی لشکر ءُ ڈیت اسکواڈ گون ءَ جنگ ءُ چوپ کرتگ –

جارکش ءَ دیمتر ءَ گُشتگ کہ بازیں ادارے ءَ برجاہ بوتگیں اے جنگ ءَ لشکر ءُ ڈیت اسکواڈ بازیں کارمندے مرتگ. وھدیکہ اے جنگ ءَ بلوچ لبریشن آرمی ءِ دو بامردیں سرمچار شھداد بلوچ پنام ءِ دُرا، ءُ اھسان بلوچ پنام شاہ داد بامردی ءِ گون ءَ دشمنے گون ءَ جنگ دیان ءَ شھید بوتگ اَنت –

شھید شھداد بلوچ ءُ شھید اھسان بلوچ گوستگیں یک سالے ءَ بلوچ لبریشن آرمی ءَ گوں ھمگرنچ بوتگ انت، دوئیں شھید پھتویں زانت ءُ زانش ءَ چکار بوتگ انت. کسانیں وھد ءَ آھاں راجی آجوئی ھاتر ءَ بے بھا دیمھونی داتگ

بی اِل اے ءِ جارکش ءَ دیمتر ءَ گُشتگ دژمن ءِ گوم ءَ جنگ ءُ چوپ ءِ میان ءَ ھما دمان ءَ براس سرمچاراں ھوار گل یونائیٹڈ بلوچ آرمی سرمچاراں وت ءَ جنگ جاہ ءَ سر کُتگ ءُ دژمنیں لشکر ءُ ڈیت اسکواڈ انگیر کُتگ ءُ آ سک باز تاوان داتگ ءُ آ تچگ ءُ رؤگ ءَ لاچار کُتگ انت.

گڈسر ءَ بلوچ لبریشن آرمی جارکش ءَ گُشتگ کہ مئے جنگ ناں ایوک ءَ بلوچ ڈیھے آجوئی ءُ دری آؤکیں دژمن ءِ گون ءَ انت بلکیں دژمن ءِ ھمکار ءُ ھندیں زرزیریں گلامانی گون ءَ انت ھم کہ آھاں ھچ وڑ ءَ بلوچ بوھگے اوپاری دیگ نہ بیت. آ سرجمیں زمیر پروش وتن پروش، راجی دلار ءُ ریاستی ایجنٹ ءُ میر ءُ متبر ھم زوت سودمانیں رنگے ءَ نشانگ کنگ بنت.