ھواریں راجانی میان اُستمانی گل (اقوام متحدہ) ءِ کارگشاد انتونیو گتیریس ءَ وتی درشان ءِ تھا گُشتگ کہ کورونا ویرس ءِ دیم ءِ دارگ ءِ ھاتر ءَ ھما کچ ءَ کار کنگی بیتگ کنگ نہ بیتگ ۔
ھواریں راجانی میان اُستمانی گل(اقوام متحدہ) ءِ کارگشاد انتونیو گتیریس ءَ برتانیہ ءِرسانکدراں گلگدار ے ءِ تہ ءَ آئی ءَ گُشتگ کہ میان اُستمانی تکءَ رھشونانی کمی ءِ سوب ءَ کورونا ءِ دارگءَ بے سوب بیتگ ایں۔
انتونیو گتیریس ءَ دیمترا گُشت کہ توامندیں ڈیھہ بھتام جنی ءَ ابید کورونا ویرس ءِ ھلاسی ءِ ھاتر ءَ ھوار کار بہ کن اَنت، توانمندیں ملک ھور بہ بنت ءُ یک رھبندے جوڑ بہ کن اَنت کہ آئی ءِ تہ ءَ لاک ڈاؤن ءِ ھلاسی، کارءُروزگار ءِ پچ کنگ ءُ دیمروئی دیگ ءِ وڑ ءُ وڑ پیم ءِ گون بہ بیت۔
آئی ءَ گُشتگ کہ کورونا ءِ دارگ ءِ ھاتر ءَ ناسرجمیں جھانی گامگیجانی گندگ ءَ پد سک پدرد بیتگ آں، مارا چہ گوست ئے ردیاں دربرگ لوٹ اِیت۔
اقوام متحدہ ءِ کارگشاد ءَ گیشتر گُشت کہ کورونا ءِ ھلاپ ءَ ھمک ڈیھہ ءِ وتی اڈ داتگیں راھبند ءُ وڑ ءُ پیم ایشی ءَ گیشتر دیمروی دیگ سوب جوڑ بیتگ اَنت، انوگیں جاورانی تھا ڈبلیو ایچ او ءَ ھمک جریدگیں کمک دیگ بہ بیت۔
انتونیو گتیریس ءَ گیشتر گپ جنان ءَ گُشت کہ اے وھد ءَ دیمروی ڈیھانی ھاتر ءَ جھانی گل ءِ مٹ رس اِت نہ کنت، دانکہ جھان ءِ گوریچان ءَ کورونا ھلاس مہ بیت زربار ءَ ھم کورونا ءِ ھلاس کنگ ءَ سوب مندی رس اِت نہ کنت۔